ለቦኬ ጉዶ እና አካባቢ የቤተ ክርስቲያን ማሰሪያ የገቢ ማሰባሰያ

ለቦኬ ጉዶ እና አካባቢ የቤተ ክርስቲያን ማሰሪያ የገቢ ማሰባሰያ

$1,470 of $12,000 raised

በማኅበረ ቅዱሳን የዲሲ ንዑስ ማዕከል የትምህርትና ሐዋርያዊ ተልዕኮ ክፍል እና ቀሲስ ምዕራፍ ፀጋዬ ከሚያስተምቸው የመንፈስ ልጆቻቸው ጋር በመሆን በኢትዮጵያ በገጠርና ጠረፋማ ባቢ ለሚተገበሩ ፕሮጀክቶች የሚውል ገቢ ማሰባሰቢያ።

“በወንጌልም ማኅበርተኛ እሆን ዘንድ ስለ ወንጌል ሁሉን አደርጋለሁ።” 1ቆሮ 9፡23

መግቢያ

በምዕራብ ሐረርጌ ሀገረስብከት ሥር ባሉ አንዳንድ አካባቢዎች የሚገኙ የአቢያተክርስቲያናት ቁጥር እጅግ አነስተኛ መሆን እና የአጥቢያዎች አገልግሎት አሰጣጥ መዳከም፣የስብከተ ወንጌል ዘገምተኛነት የምእመናን ቁጥር መቀነስ እና ወደ እምነቱ መጥተው ጸንተው አለመቆየት፤ ይህን ክፍተት በመጠቀም የሌሎች እምነት ድርጅቶች መስፋፋት በመሰረታዊ ጥናቱ ላይ ተረጋግጧል፡፡ ከዚህም በተጨማሪ በአብዛኛው የገጠር አካባቢ ቤተክርሰቲያን ተደራሽ ባለመሆኗ እና ሌሎች የእምነት ድርጅቶች ለነዚህ የማሕበረሰብ ክፍሎች አዳራሽ በመስራት ስለሚሰበሰቧቸው እንዲሁም በአካባቢው ያለው የእምነት ተጽዕኖ ሲያደርሱባቸውና አምልኮታቸውን የሚፈጽሙበት አብያተ ክርስቲያናት አለመኖራቸው ከክርስትና እየኮበለሉ ይገኛሉ፡፡

ቦኬ ጉዶ እና አካባቢው ያለው የቤተ ክርስቲያን አገልግሎት

የቦኬ ጉዶ መናን ልጅ ወለደው በሥርዓተ-ቤተክርስቲያን በሚፈቅደው ቀን ክርስትና ማስነሳት አይችሉም፡፡ ምክንያቱም ቤተክርስቲያን የሚያገኙት በእግራቸው ከ4-5 ሰዓት የእግር ጉዞ ተጉዘው ነው፡፡ በዚህ ምክንያት ከ60-100 የሚሆኑ ምእመናን ወደ እስልምና መሄዳቸው መረጃዎች ያመለክታሉ፤ በዚህ አመት በሚያዝያ ወር ብቻ 16 ክርስቲያኖች ሰልመዋል፡፡ የቀሩትም ቃለ እግዚአብሔርን እንዲማሩ በማኅበረ ቅዱሳን አሰበ ተፈሪ ማእከል በስብከተ ኬላ ፕሮጀክት ታቅፈው ትምህርተ ወንጌልን እያገኙ ይገኛሉ፡፡ በስብከተ ኬላ ትምህርተ ወንጌልን እንኳን ቢያገኙ ልጆቻቸውን ክርስትና የሚያስነሱበት፣ ለሞተ፦ የስጋው ማረፊያ የሚሆን የመቃብር ቦታ፣ ስጋወ ወደሙ የሚቀበሉበት ቤተክርስቲያን የላቸውም፡፡

ቦኬ ጉዶ እና አካባቢው ወደፊት መተግበር ያለባቸው ዓበይት ተግባራት

የቦኬ ጉዶ የስብከተ ኬላ 57 አባወራ ያሉበት እና ለቤተክርስቲያን መስርያ ቦታ ባያገኙም መሬት ለመግዛት የባንክ አካዉንት ከፍተዉ ገንዘብ በማሰባሰብ መሬት መገዛት ችለዋል፡፡ከአሁን በፊት ትንሽ ስፍራ የነበራቸዉ ቢሆንም ስፍረዉን በሙስሊሞች በመነጠቅ መሰብሰቢያ ቦታ የሌላቸዉ በመሆኑ እርሻ ዉስጥ ዛፍ ስር እየተሰበሰቡ ይገኛሉ፡፡ በአሁኑ ሰዓት ገንዘብ በመሰብሰብ የቤተክርስቲያን ቦታ ተገዝቶ ለህንጻ ቤተክርስቲያን ለመሥራት ጥረት እየተደረገ ይገኛል፡፡ ነገር ግን የቦኬ ጉዶ ምእመናን ኑሮ ከእጅ ወደ አፍ የሆነ ኑሮ የሚኖሩ አርሶአደሮች በመሆናቸው በራሳቸው ቤተክርስቲያን መስራት የማይችሉ ናቸው፡፡ መስሪያ ገንዘብ ስላልተገኘ ባዶ መሬት ይገኛል፡፡ስለሆነም ይህንን ክፍተት ለመሙላት ይህ ፕሮጀክት ተዘጋጅቷል፡፡ ስለሆነም እነዚህ በእግዚያብሔር አምሳል የተፈጠሩ ወገኖቻችን በሰው ልጆች ዘንድ የሚናፈቀውን የእግዚያብሔርን ቃል መስማት እና ለቅድስናው ተቋዳሽ እንዲሆኑ ለማድረግ በአቅራቢያቸው ቤተክርስቲናትን ማነፅ ተገቢና ቤተክርስቲያናችን ቅድሚያ የምትሰጠው ጉዳይ ነው፡፡

$
Select Payment Method
Personal Info

Credit Card Info
This is a secure SSL encrypted payment.

Donation Total: $50

የሳርዶ ማርያም አብነት ትምህርት ቤት ግንባታ ፕሮጀክት

በኢሊባቡር ዞን ሀገረስብከት የሳርዶ ማርያም አብነት ትምህርት ቤት ግንባታ ፕሮጀክት

$26,437 of $50,000 raised

ይህ ማኅበረ ቅዱሳን አስተባባሪነት ለሚሰራው በኢሊባቡር ዞን ሀገረስብከት የሳርዶ ማርያም አብነት ትምህርት ቤት ግንባታ ፕሮጀክት ማስፈፀሚያ የሚሆን በሳርዶ ማርያም አብነት ትምህርት ቤት ግንባታ አስተባባሪ ኮሚቴ የተዘጋጀ የገቢ ማሰባሰቢያ መርሀ-ግብር ነው።

የበኩላችሁን በማበርከት የሊቃውንት መፍለቂያ የሆነውን አብነት ትምህርት ቤት ግንባታ ለፍፃሜ አናድርስ። ስላደረጋችሁት ድጋፍ ምስጋናችንን በልዑል እግዚአብሔር ስም እናቀርባለን።

የፕሮጀክቱ አስፈላጊነት፡-

በሀገረ ስብከቱ የአብነት ትምህርት ቤት ማቋቋም ያስፈለገው፡-

  1. የቤተክርስቲያን ተረካቢ የሚሆኑ የአካባቢውን ልጆች በማስተማር ቀሳውስት እና ዲያቆናትን በሚፈለገው መጠን ለማፍራት እንዲያስችል፣
  2. የአብነት ትምህርት ቤቱ  በየሁለት  ዓመቱ  ተማሪዎችን  ተቀብሎ   በማስተማር  በሀገረ  ስብከቱ በአገልጋይ እጦት ምክንያት   የተጓደለውን መንፈሳዊ  አገልግሎት እንዲጠናከር እና  የተዘጉትን እንዲከፈቱ ያደርጋል፣
  3. ለምዕመናኑ በቂ መንፈሳዊ አገልግሎት በመስጠት እና በአካባቢው ቋንቋ ወንጌል በማስተማር ያመኑትን በሃይማኖታቸው ፀንተው እንዲቆዩ ለማድረግ፣ የጠፉትን ለመመለስ እና ያላመኑትን ለማሳመን ከፍተኛ አስተዋፅዖ ስለሚኖረው ይህንን ፕሮጀክት መቅረፅ አስፈላጊ ሆኗል።

የፕሮጀክቱ ግብና ዓላማ፡-

ግብ

በኢሉባቦር ሀገረ ስብከት በማእከላዊነት ደረጃውን የጠበቀ የአብነት ት/ቤት ኖሮ በአካባቢው (በተለይም በገጠሪቱ ክፍል) የሚገኙ አብያተ ክርስቲያናት በቂ ዲያቆናትና ካህናት በማፍራት የተዘጉ አብያተ ክርስቲያናት እንዲከፈቱና ምእመናን ተገቢውን አገልግሎት እንዲያገኙ ማድረግ ነው፡፡

ዓላማ

  1. በአንድ ዓመት ጊዜ ውስጥ 40 የአብነት ተማሪዎችን ተቀብሎ ማስተማር የሚያስችል የአብነት ትምህርት ቤት መገንባት ፣
  2. በየሁለት ዓመቱ 40  የአብነት  ተማሪዎች  ከአብነት  ትምህርቱ  (ቅስና  እና ድቁና) ጎን ለጎን መሰረታዊ ትምህርተ ሀይማኖት እና የስብከት ዘዴን ማስተማር፣
  3. በየሁለት ዓመቱ ዘመኑን የዋጁ 40 የአብነት ተማሪዎችን አስተምሮ ማብቃት፡፡

የፕሮጀክቱ ይዘት፡-

ይህ የአብነት ት/ቤት ፕሮጀክት በውስጡ የሚያካትታቸው ዝርዝር ተግባራት የሚከተሉት ይሆናሉ፡፡

  1. የጉባኤ ቤት፣ የማደሪያ፣ የመመገቢያ፣ የማብሰያ፣ የመጸዳጃ፣ ገላ መታጠቢያ ቤቶችን እና ልብስ ማጠቢያን ግንባታ
  2. የውስጥ መገልገያ እቃዎች ማሟላት
  3. የሕንጻ አስተዳደር ስልጠና
  4. የአብነት ት/ቤት አስተዳደራዊ መዋቅር ዝግጅት እና ትግበራ
  5. የአብነት መምህራን ቅጥር እና ስልጠና
  6. የተማሪዎች ምልመላ፣ ቅበላ እና ስልጠና

የፕሮጀክቱ ወጪ፡-

  • የፕሮጀክቱ ጠቅላላ ወጪ ብር 3,714,713.64 (~$ 132,668.34)

$
Select Payment Method
Personal Info

Credit Card Info
This is a secure SSL encrypted payment.

Donation Total: $50

ድረሱልንና አብረን መንግስቱን እንውረስ

ድረሱልንና አብረን መንግስቱን እንውረስ

Thank you to all our donors, we have met our fundraising goal.

4ኛው ዙር የሐዊረ ሕይወት በቤትዎ በአሜሪካ

4ኛው ዙር የሐዊረ ሕይወት በቤትዎ በአሜሪካ

$15,415 of $100,000 raised
$
Select Payment Method
Personal Info

Credit Card Info
This is a secure SSL encrypted payment.

Donation Total: $20

ሐዊረ ሕይወት

ሐዊረ ሕይወት ወይም የሕይወት ጉዞ ፥ መንፈሳዊ ሕይወት ለማጠንከር ምእመናንን በማሳተፍ ወደ ቅዱሳት መካናት የሚደረግ ጉዞ እና መርሐ ግብር ነው። በመርሐ ግብሩ ትምህርተ ወንጌል ፣ በመንፈሳዊ ሕይወት ዙሪያ ውይይት፣ ለጥያቄዎ መልስ፣ እና መዝሙር የተካተቱ ሲሆን ከዕለት ዕለት ሥራና ከዓለም ውጣ ውረድ ራቅ ብለው ፤ ከሚጎበኙት አዲስ ቦታ ህሊናን እያዝናኑ ፤ ከቦታው በረከት እየተቀበሉ ታድሰው የሚመለሱበት ነው።

ነገር ግን በዚህ ዓመት በኮቪድ  19 ወረርሽኝ ምክንያት ከወትሮው በተለየ ሁኔታ የ ሐዊረ ሕይወት መርሃግብር በቤታችን ወይም ባለንበት ሆነን መሳትፍ በምንችልበት ሁኔታ ተዘጋጅቶ ቀኑን በጉጉት እየጠበቅን እንገኛልን።

4ኛው ዙር የሐዊረ ሕይወት (የሕይወት ጉዞ)

የዚህ ዓመት የሐዊረ ሕይወት ሐዊረ ሕይወት በቤትዎ በአሜሪካ” የሚል ስያሜ ተስጥቶታል።

የዕለቱ መርሐ ግብር የሚከተሉትን እና ሌሎችንም ያካትታል።

  • ቃለ ምዕዳን እና መልዕክታት በብጹዓን ሊቀ ጳጳሳት
  • ትምህርተ ወንጌል በተጋባዥ መምራን
  • ለጥያቄዎችዎ መልስ የሚያገኙበት በምክረ አበው ዝግጅት በሊቃውንተ ቤተ ክርስቲያን መልስ ይሰጥባቸዋል
  • ዝማሬ በተጋባዥ ዘማሪያን
  • በማህበሩ እየተከናወኑ ያሉ የስብከተ ወንጌልና ሐዋርያዊ አገልግሎቶች

ቀን ፡ ጥቅምት 7, 2013 (October 17, 2020)
ሰዓት፡ 3 pm – 8pm EST | 2 pm -7 pm CST|12 pm -5 pm PST

ለህጻናት እና አዳጊዎች፡ 11 am -2pm | 10 am -1 pm CST| 8 am -11AM PST  በአማርኛ እና በ እንግሊዝኛ የተለያዩ ዝግጅቶ

በመርሐግብሩ ላይ ጥያቄ ካላችሁ በስልክ ቁጥር፡ 1(703) 307 6686 ልትደውሉልን እንዲሁም በኢሜል፡  dc@eotcmk.org or virginia@eotcmk.org ልትጽፉልን ትችላላችሁ።

4ኛው ዙር የሐዊረ ህይወት የቲኬት ዋጋ

ከ $10 ጀምሮ ለበረከት እየከፈሉ ይሳተፉ። የሚገኘው ገቢ ኢትዮጵያ እየተከናወኑ ለሚገኙ የሐዋሪያዊ አገልግሎት ፕሮጀክቶች ይውላል።

 

           

የቅድስት ቤተ ክርስቲያንን ስብከተ ወንጌል አገልግሎት ይደግፉ

የቅድስት ቤተ ክርስቲያንን ስብከተ ወንጌል አገልግሎት ይደግፉ

$700 of $25,000 raised

በወንጌልም ማኅበርተኛ እሆን ዘንድ ስለ ወንጌል ሁሉን አደርጋለሁ።” 1ቆሮ 923

 የኢትዮጵያ ኦርቶዶክስ ተዋሕዶ ቤተ-ክርስቲያን ጥንታዊትና ታሪካዊት ናት፡፡ አስተምህሮዋና መሠረተ እምነቷ ከአማናዊው መምህር ከኢየሱስ ክርስቶስ የተገኘ በመሆኑ አማናዊትና ርትዕት ናት፡፡ የዚህች ርትዕት ቤተ-ክርስቲያን ዋነኛ አገልግሎቷም ሐዋርያዊ ተልእኮ ነው፡፡ ቅዱሳን ሐዋርያት ከጌታ በአካል የተማሩትን የምስራች ቃል በታዘዙትና በተሰጣቸዉ መንፈሳዊ ኃይል በመታገዝ በብዙ መከራ ዉስጥ ሆነዉ በዓለሙ ሁሉ ዞረዉ አስተምረዋል፤ነፍሳትንም ለክርስቶስ ማርከዋል፡፡

ይሁን እንጂ ቤተ-ክርስቲያናችን “ወርቃማ” ተብለው የሚጠሩ ዘመናትን ያሳለፈች ቢሆንም፣ እጅግ ፈታኝ የሆኑ ጊዜያትንም አሳልፋለች፡፡በዚህም የተነሳ የስብከተ ወንጌል/የሐዋርያዊ አገልግሎት ተደራሽነት እጅግ ውሱን እና የተቋረጠ እንድሆን አድርጎታል፡፡ይህ የአገልግሎት ውሱንነት ቤተ ክርስቲያኒቱን ለሚናፍቁ በገጠርና ጠረፋማ አካባቢዎች ለሚገኙ ወገኖች መድረስ እንዳይቻል አድርጎታል፡፡ ይህም መናፍቃኑ ቀድመው በመግባት ብዙዎችን ወደ ምንፍቅና እንዲወስዷቸው በር ከፍቶላቸዋል፡፡ብዙ ወገኖች እውነተኛውን የወንጌል ብርሃን ሳይመለከቱ በእግዚአብሔር ቃል ሳይጸኑ ፣ በገጠር በጠረፋማው የሀገራችንና በአጠቃላይ የዓለማችን ክፍል ተበትነው ፣ ድኅነትን እንደናፈቁ ፣ በጎውን ነገር ሳያዩ ሞተ ሥጋ ይቀድማቸዋል፡፡

በገጠርና ጠረፋማ አከባቢ የሚገኙ ወገኖችን መልካሙን መንገድ የሚያሳያቸው አጥተው ወደ ሌሎቸ የእምነት ቤቶች የሚሄዱትን ወደ ቅድስት ቤተክርስቲያን ለማምጣት፣ አስተምሮ ለማስጠመቅ እና የሥላሴን ልጅነት ያገኙትን ምዕመናን የቤተ-ክርስቲያን አገልግሎት አግኝተው በምግባር በሃይማኖት እንዲጸኑ ለማድረግ ከአዳዲስ አማንያኑ መካከል የቅድስት ቤተክርስቲያን አገልጋይ ማፍራት ይጠበቃል፡፡

የቅድስት ቤተ ክርስቲያንን ስብከተ ወንጌል አገልግሎት በመደገፍ የወንጌል ማኅበርተኛ ይሁኑ!!!”

$
Select Payment Method
Personal Info

Credit Card Info
This is a secure SSL encrypted payment.

Donation Total: $50

የአስቸኳይ ጊዜ እርዳታ እና መጠነኛ መልሶ ማቋቋም ድጋፍ

የአስቸኳይ ጊዜ እርዳታ እና መጠነኛ መልሶ ማቋቋም ድጋፍ

$44,070 of $100,000 raised

በቅድስት ቤተ ክርስቲያን እና በልጆቿ ላይ እየደረሰ ያለው ሰቆቃ ከጊዜ ወደ ጊዜ እየጨመረ አብያተ ክርስቲያናት እየተቃጠሉ እና ምእመናንን በግፍ እየተገደሉ ይገኛሉ፡፡ በቅርብ ጊዜ በተከሰተው ጥቃትም ብዙ ንብረት ወድሟል የሰው ህይወትም ጠፍቷል እንደ ማሳያ፦
 በ10 የኦሮምያ ክልል ዞኖች እና 2 የከተማ አስተዳደር 67 ክርስቲያኖች በግፍ ተገለዋል ከሟቾች ውስጥም አንዱ ካህን ናቸው፡፡
 በየቦታው አሉ የሚባሉ ኦርቶዶክሳውያን በድጋሚ ላያንሰራሩ ሆነው ንብረታቸው የወደመ ሲሆን የወደሙ ንብረቶች በአብዛኛው ኢንተርናሽናል ሆቴሎች፤ ሌሎች ሆቴሎች፤ መኖሪያ ቤቶች፤ ትምህርት ቤቶች፤ ካፌዎች ፤ ምግብ ቤቶች፤ ግሮሶሪዎች ፤ማከፋፈያ ሱቆች/የሸቀጣሸቀጥ፤ የእህል ቤቶች፤ የቤትና የስራ መኪኖች (ከአንድ ቤት እስከ 6 መኪና ድረስ)፤ የኮንስትራክሽን እንዲሁም የትራንስፖርት መኪኖች ፤ባጃጅ ፤ሞተር ሳይክል፤ ታሪካዊ ቅርሶች እና የመሣሠሉት ይገኙበታል፡፡
 በገጠር አካባቢ በማሣ ላይ ያሉ ሰብሎችም እንዲወድሙ ተደርጓል፡፡
 በአሁኑ ወቅት ከ7,000 የማያንሱ የጥቃት ሰለባዎች በቤተክርስቲያና በአንዳንድ መጠለያዎች ተጠልለው ድጋፍ እየጠበቁ ይገኛል፡፡
 አንድ ቤተ ክርስቲያን ተቃጥሏል፡፡

ስለሆነም አሁን ላለው አስቸኳይ ችግር መድረስ ይገባል:: ከዚህ ጋር በተያያዘ ሰሞኑን ጉዳት ለደረሰባቸው ወገኖች ጊዜያዊ እርዳታ እና መጠነኛ መልሶ ማቋቋም ድጋፍ ለማድረግ በሰሜን አሜሪካ ማኅበረ ካህናት አስተባባሪነት የተጀመረው የገቢ ማሰባሰቢያ መርሐግብር በጥሩ ሁኔታ እየሄደ መሆኑ ክርስቲያኖች በአንድነትና በትብብር ብንቆም ያለንን አቅም ያሳየንበት ነው ማለት ይቻላል:: መላው የማኅበሩ አባላት በዚህ በማኅበረ ካህናቱ እየተደረገ ባለው የገቢ ማሰባሰብ ጥረት እንደ ቤተ ክርስቲያን ልጅነታችን እየተሳተፍን መሆኑ ይታወቃል:: ነገር ግን እንደ ማኅበር አጋርነታችን የበለጠ ለማሳየት እስከ አንድ ሳምንት ከማኅበሩ አባላት በማሰባሰብ እንደ ማኅበር በተጨማሪነት በመለገስ እየተደረገ ያለውን ጥረት ለማበረታታት የአሜሪካ ማዕከል ሥራ አስፈጻሚው ወስኗል፡፡ በመሆኑም ምንም እንኳን በተለያየ ገቢ ማሰባሰቢያ መርሐግብር ስትሳተፉ የቆያችሁ እንደሆነ ብናውቅም ሳትጨነቁ አቅማችሁ የፈቀደውን ከዚህ በታች ባለው ማስፈንጠሪያ በመጠቀም ድጋፍ እንድታደርጉና አጋርነታችን እንድናሳይ በታላቅ አክብሮት እንጠይቃለን፡፡

የሰማእታቱ በረከት ይደርብን!!

$
Select Payment Method
Personal Info

Credit Card Info
This is a secure SSL encrypted payment.

Donation Total: $20

የኢትዮጵያ ኦርቶዶክስ ተዋህዶ ቤተክርስቲያን መዝገበ አእምሮ (Ethiopian Orthodox Tewahido Church Encyclopedia) ዝግጅት ፕሮጀክት

የፕሮጀክቱ መጠሪያ

የኢትዮጵያ ኦርቶዶክስ ተዋህዶ ቤተክርስቲያን መዝገበ አእምሮ (Ethiopian Orthodox Tewahido Church Encyclopedia) ዝግጅት ፕሮጀክት

የፕሮጀክቱ ግብ

የኢትዮጵያ ኦርቶዶክስ ተዋህዶ ቤተክርስቲያን ትክክለኛ ታሪክና ትውፊት ሰንዶ ማስቀመጥ።

የፕሮጀክቱ ዓላማ

  • የኢትዮጵያ ኦርቶዶክስ ተዋህዶ ቤተክርስቲያን ዙሪያ ጥናትና ምርምር ለማድረግ ለሚፈልግ አካል አጋዥ ማጣቀሻ ማዘጋጀት
  • የኢትዮጵያ ኦርቶዶክስ ተዋህዶ ቤተክርስቲያንን ትክክለኛውን ነገረ እውቀት ለትውልድ ማስተላለፍ
  • የኢትዮጵያ ኦርቶዶክስ ተዋህዶ ቤተክርስቲያንን ዓለም አቀፍ ሐዋርያዊ አገልግሎት ማገዝ

የፕሮጀክቱ ይዘት

የመዝገበ አእምሮው 12 (አሥራ ሁለት) ጥራዞችን (Volumes) ይኖሩታል። አምስት ሺ አበይት ቃላት (Entries) በመጨረሻው ረቂቅ ውስጥ ተካተዋል፡፡

የመጀመሪያውን ጥራዝ ለማሳተም ከሀ – መ በአማርኛ ፊደል ቅደም ተከተል 450 ዓበይት ቃላትን በመለየት ለጸሓፊዎች ተበትነዋል፡፡ ይህ የመጀመሪያው ጥራዝ 1200 ገጾች የሚኖሩት ሲሆን  ለተጠቃሚው ማኅበረሰብ በቶሎ ተደራሽ እንዲሆን እየተሰራ ነው፡፡

የፕሮጀክቱ ወጪ

የመጀመሪያውን ጥራዝ ለማሳተም የጸሓፍያን፣ የአርታዒያን፣ እና አስተዳደራዊ እና የሕትመት ወጪዎችን ጨምሮ ሶስት ሚሊዮን ብር (3,000,000) በጀት ይጠይቃል፡፡ የተቀሩት አስራ አንድ ጥራዞች እያንዳንዳቸው ከሶስት ሚሊዮን እስከ አምስት ሚሊዮን ብር በጀት ይፈልጋሉ።

አስራ ሁለቱ ጥራዞች በአጠቃላይ ከሰላሳ ስድስት ሚሊየን እስከ አምሳ ስምንት ሚሊየን በጀት ይጠይቃል።

የፕሮጀክቱ የትግበራ ቆይታ ጊዜ

አስራ ሁለቱ ጥራዞች 15 ዓመታት ውስጥ በ2027 ዓ.ም ይጠናቀቃሉ