የስብከት ኬላ አዳራሽ ግንባታ ፕሮጀክት

የስብከት ኬላ አዳራሽ ግንባታ ፕሮጀክት

$15,699 of $200,000 raised

ምእመናን አፈር ላይ ተቀምጠው በመዝሙር አምላካቸውንም ሲያመሰግኑ

የፕሮጀክቱ አስፈላነት

ማኅበረ ቅዱሳን በትምህርትና ሐዋርያዊ አገልግሎት ማስተባበሪያ የሐዋርያዊ አገልግሎቱን ተደራሽ በማድረግ ከኦርቶዶክሳዊት ቤተ ክርስቲያን ውጭ ያሉ ወገኖችን በማስተማርና በማሳመን በርካታ ወገኖችን በማስጠመቅ የቤተ ክርስቲያን አባላት እንዲሆኑ አድርጓል፡፡ በእነዚህ አካባቢዎች አብያተ ክርስቲያናትና አዳራሽ የሌላቸው በመሆኑ አዳዲስ አማንያኑ የሚማሩት በዛፍ ሥር ወይም በአንዳንድ ወገኖች ቤት ውስጥ ነው፡፡ ከቤተ ክርስቲያን ውጭ ያሉ  በርካታ ወገኖች ለመማር እና የሥላሴ ልጅነትን ለማግኘት ይፈልጋሉ፡፡

ይህን የሐዋርያዊ  አገልግሎት በማጠናከር  ወንጌል ተምረው የሚጠመቁ  አዳዲስ አማንያንን  ቁጥር መጨመር ያስፈልጋል፡፡  ለዚህ ደግሞ እነዚህ ወገኖች ስብከተ ወንጌል የሚማሩበት፤ በመዝሙር

እግዚአብሔርን የሚያመሰግኑበት፣ ሕጻናትና ወጣቶች በሰንበት ት/ቤት ታቅፈው የሚማሩበት እና የአዳዲስ አማንያንን ሥርዓተ ጥምቀት ለመፈጸም የሚያስችል የስብከት ኬላዎችን (መካነ ስብከት) አዳራሽ መገንባት አስፈላጊ ነው፡፡ ከዚህም በተጨማሪ  የሰባኬ ወንጌል እጥረትና ሰዎችም ተበታትነው ስለሚኖሩ በአጭር ጊዜ ተደራሽ ማድረግ ስለማይቻል ይህ አዳራሽ ከተገነባ በአንድ ቦታ ብዙ ሰዎችን ማስተማር ይቻላል፡፡

የፕሮጀክቱ ዓላማ

ሕንጻ ቤተክርስቲያን በሌሉባቸው አካባቢዎች አዳዲስ አማንያንን በጥምቀት የሥላሴን ልጅነት   እንዲያገኙ ትምህርተ ኃይማኖት የሚማሩበት          የሚሰባሰቡበት፣ የሚጸልዩበትና እርስ በእርስ የሚመካከሩበት በተለየዩ አህጉረ ስብከቶች 20 የስብከት ኬላ አዳራሾችን መስራት ነው፡፡

የፕሮጀክቱ ወጪ

  • ለአንድ ስብከት ኬላ አዳራሽ ሥራ 200,000.00
  • ለ40 ስብከት ኬላ አዳራሽ ሥራ 8,000,000.00

$
Select Payment Method
Personal Info

Credit Card Info
This is a secure SSL encrypted payment.

Donation Total: $50

 

የስብከተ ወንጌል አገልግሎቱን ተደራሽ የሚያደርጉ አዳዲስ ሰባክያነ ወንጌል ሥልጠና

የስብከተ ወንጌል አገልግሎቱን ተደራሽ የሚያደርጉ አዳዲስ ሰባክያነ ወንጌል ሥልጠና

$1,220 of $75,000 raised

 

መግቢያ

የኢትዮጵያ ኦርቶዶክስ ተዋሕዶ ቤተ-ክርስቲያን ጥንታዊትና ታሪካዊት ናት፡፡ አስተምህሮዋና መሠረተ እምነቷ ከአማናዊው መምህር ከኢየሱስ ክርስቶስ የተገኘ በመሆኑ አማናዊትና ርትዕት ናት፡፡ የዚህች ርትዕት ቤተ-ክርስቲያን ዋነኛ አገልግሎቷም ሐዋርያዊ ተልእኮ ነው፡፡ቅዱሳን ሐዋርያት ከጌታ በአካል የተማሩትን የምስራች ቃል በታዘዙትና በተሰጣቸዉ መንፈሳዊ ኃይል በመታገዝ በብዙ መከራ ዉስጥ ሆነዉ በዓለሙ ሁሉ ዞረዉ አስተምረዋል፤ ነፍሳትንም ለክርስቶስ ማርከዋል፡፡

ይሁን እንጂ ከቤተክርስቲያን ታሪክ በቀጥታ መረዳት እንደሚቻለው ቤተክርስቲያናችን “ወርቃማ ” ተብለው የሚጠሩ ዘመናትን ያሳለፈች ቢሆንም፣ እጅግ ፈታኝ የሆኑ ጊዜያትንም አሳልፋለች፡፡ ይህም የስብከተ ወንጌል/የሐዋርያዊ አገልግሎት ተደራሽነት እጅግ ውሱን እና የተቋረጠ እንድሆን አድርጓል፡፡ በዚህም ምክንያት ቤተ ክርስቲያኒቱን ለሚናፍቁ በገጠርና ጠረፋማ አካባቢዎች ለሚገኙ ወገኖች መድረስ አልተቻለም፡፡ ይህም መናፍቃኑ ቀድመው በመግባት ብዙዎችን ወደ ምንፍቅና እንዲወስዷቸው በር ከፍቶላቸዋል፡፡ብዙ ወገኖች እውነተኛውን የወንጌል ብርሃን ሳይመለከቱ በእግዚአብሔር ቃል ሳይጠኑ፣ በገጠር በጠረፋማው የሀገራችንና በአጠቃላይ የዓለማችን ክፍል ተበትነው ፣ ድኅነትን እንደናፈቁ ፣ በጎውን ነገር ሳያዩ ሞተ ሥጋ ይቀድማቸዋል፡፡

የፕሮጀክቱ አስፈላነት

የሰባክያነ ወንጌል ሥልጠና መስጠት ያስፈለገበት ምክንያት በተለያዩ አህረ ስብከት ከሰባክያነ ወንጌል እጥረት የተነሳ ስብከተ ወንጌል ያልተዳረሰባቸው እና በመናፍቃን የተወረሩ አካባቢዎች በመኖራቸው ከየማኅበረሰቡ መካከል ሰባኬ ወንጌል ሊሆኑ የሚችሉ ወጣቶችን መልምሎ በማሰልጠን ስብከተ ወንጌልን ተደራሽ በማድረግ ከቤተ ክርስቲያን ውጭ የሆኑትን አስተምሮ ማሳመንና ማስጠመቅ፣ በተለያየ ምክንያት ከቤተ ክርስቲያን የወጡትን አስተምሮ ለመመለስ እና አምነው የተጠመቁትን በምግባር በሃይማኖት ማጽናት ያስፈልጋል፡፡

  • በአህጉረ ስብከቶቹ ያለውን የሰባክያነ ወንጌል እጥረት ችግር በመቅረፍ ቅዱስ ወንጌል ተደራሽ ለማድረግ ይረዳል፡፡
  • የመምህራኑን አቅም የሚያጎለብትና ለተሻለ አገልግሎት የሚያበቃ ይሆናል፡፡
  • በአካባቢው ለሚኖሩና አዲስ ለተጠመቁ ክርስቲያኖች መሠረታዊ የሃይማኖት ትምህርት በማስተማር ምእመናኑ በሃይማኖታቸው እንዲጸኑ ያደርጋቸዋል፡፡
  • የስብከተ ወንጌል አገልግሎት ላልደረሳቸው ወገኖች የቤተክርስቲያናችንን መሠረተ እምነት በማስተማር አሳምኖ ለማስጠመቅ ይረዳል፡፡

የፕሮጀክቱ ዓላማ

በተለያዩ  ገጠራማና ጠረፋማ አካባቢዎች የስብከተ ወንጌል አገልግሎትን ተደራሽ በማድረግ አዳዲስ አማንያንን ለማስተማርና ለማስጠመቅ፣ ምእመናንን በምግባር በሃይማኖት ለማጽናትና የጠፉትን ለመመለስ የሚያገልግሉ 1000 ሰባክያነ ወንጌል ማሰልጠን

የፕሮጀክቱ አጠቃላይ ወጪ

  • ለ1000 አዳዲስ ሰባክያነ ወንጌል ሥልጠና ብር 3,000,000.00
  • ለአንድ ሰባኬ ወንጌል ሥልጠና አማካይ ወጪ ብር 300

$
Select Payment Method
Personal Info

Credit Card Info
This is a secure SSL encrypted payment.

Donation Total: $50

የርቀት ትምህርት አገልግሎት ማስጀመርያ ፕሮጀክት

የርቀት ትምህርት አገልግሎት ማስጀመርያ ፕሮጀክት

$250 of $51,109 raised

መግቢያ

የኢትዮጵያ ኦርቶዶክስ ተዋሕዶ ቤተ-ክርስቲያን ጥንታዊትና ታሪካዊት ናት፡፡ አስተምህሮዋና መሠረተ እምነቷ ከአማናዊው መምህር ከኢየሱስ ክርስቶስ የተገኘ በመሆኑ አማናዊትና ርትዕት ናት፡፡ የዚህች ርትዕት ቤተ-ክርስቲያን ዋነኛ አገልግሎቷም ሐዋርያዊ ተልእኮ ነው፡፡ቅዱሳን ሐዋርያት ከጌታ በአካል የተማሩትን የምስራች ቃል በታዘዙትና በተሰጣቸዉ መንፈሳዊ ኃይል በመታገዝ በብዙ መከራ ዉስጥ ሆነዉ በዓለሙ ሁሉ ዞረዉ አስተምረዋል፤ ነፍሳትንም ለክርስቶስ ማርከዋል፡፡

ይሁን እንጂ ከቤተክርስቲያን ታሪክ በቀጥታ መረዳት እንደሚቻለው ቤተክርስቲያናችን “ወርቃማ ” ተብለው የሚጠሩ ዘመናትን ያሳለፈች ቢሆንም፣ እጅግ ፈታኝ የሆኑ ጊዜያትንም አሳልፋለች፡፡ ይህም የስብከተ ወንጌል/የሐዋርያዊ አገልግሎት ተደራሽነት እጅግ ውሱን እና የተቋረጠ እንድሆን አድርጓል፡፡ በዚህም ምክንያት ቤተ ክርስቲያኒቱን ለሚናፍቁ በገጠርና ጠረፋማ አካባቢዎች ለሚገኙ ወገኖች መድረስ አልተቻለም፡፡ ይህም መናፍቃኑ ቀድመው በመግባት ብዙዎችን ወደ ምንፍቅና እንዲወስዷቸው በር ከፍቶላቸዋል፡፡ብዙ ወገኖች እውነተኛውን የወንጌል ብርሃን ሳይመለከቱ በእግዚአብሔር ቃል ሳይጠኑ፣ በገጠር በጠረፋማው የሀገራችንና በአጠቃላይ የዓለማችን ክፍል ተበትነው ፣ ድኅነትን እንደናፈቁ ፣ በጎውን ነገር ሳያዩ ሞተ ሥጋ ይቀድማቸዋል፡፡

የፕሮጀክቱ አስፈላነት

የጌታችን የመድኃኒታችንን የኢየሱስ ክርስቶስ ቃለ ወንጌል ለዓለም እንዲዳረስ ማድረግ የቤተክርስቲያናችን ዋና ዓላማ ነው። ይህንንም ለማድረግ፣ የተለያዩ ዘመኑን የዋጁ እና የቤተክርስቲያናችንን ትምህርት ተደራሽነት የሚያሰፉ የትምህርት አሰጣጥ ዘዴዎችን መጠቀም ይኖርብናል። ከነዚህ ዘመኑን ከዋጁ እና የትምህርት ተደራሽነትን ከሚያሰፉ የትምህርት አሰጣጥ ዘዴውች ዋነኛው ደግሞ የርቀት ትምህርት አገልግሎት እንደሆነ ይታወቃል።

ማኅበራችን ማኅበረ ቅዱሳንም የቅድስት ቤ/ክንን ተልዕኮ መደገፍ ዋና ተግባሩ እንደመሆኑ መጠን ይህንን ሥራ በግንባር ቀደምትነት መጀመር እና ማስፋፋት ይገባዋል። ይህንንም በመረዳት ማኅበሩ ጉዳዩን በስልታዊ እቅድ ከማካተት እና የዳሰሳ ጥናት ከማድረግ ጀምሮ አገልግሎቱን በተጠናከረ መልኩ ለመጀመር የሚያስችሉ ዝግጅቶችን ሲያደርግ ቆይቷል። በተደረገው የዳሰሳ ጥናትም፣ በተለያዩ የእውቀትና የመንፈሳዊነት ደረጃ፣ እንዲሁም በተለያዩ የኑሮ ሁኔታ ያሉ ምዕመናን የቤተክርስቲያንን ትምህርት በርቀት የትምህርት ዘዴ ለመማር ከፍተኛ ፍላጎት እንዳላቸው ለማወቅ ተችሏል።

ይሁንና፣ እንዲህ አይነት አገልግሎት በጠንካራ መሠረት ላይ ሊመሠረት እና ቀጣይነቱም የተረጋገጠ ሊሆን ይገባዋል። ለዚህም ሲባል፣ ትምህርቱን የሚከታተሉ ምዕመናን አገልግሎቱን ለማስቀጠል በሚያስችል መልኩ መጠነኛ የክፍያ አስተዋጽዖ እንዲያደርጉ የሚደረግ ይሆናል። ነገርግን፣ ይህ አገልግሎት መነሻው ላይ ከፍተኛ ወጪ እንዳለው ይታወቃል። ይህም፣ አገልግሎቱን ለማደራጀት፣ ግብዓቶችን ለማዘጋጀት (ማዘጋጀት፣ ማሳተም፣ ማከፋፈል)፣ ለኢለርኒንግ የትምህርት ዘዴ የሚሆን መሠረተ ልማት ለመዘርጋት፣ የተለያዩ የመረጃ ቋቶችን እና መተግበርያዎችን (Database and Soft wares) ለማዘጋጀት… ወዘተ የሚውል ነው። ይህም ሁኔታ አገልግሎቱን የማስጀመሩን ሁኔታ ውስብስብ እና ከባድ ስለሚያደርገው ይህን ፕሮጀክት መቅረጽ አስፈላጊ ሆኗል።

የፕሮጀክቱ ዓላማ

የርቀት ትምህርት ዘዴን በመጠቀም የጌታችን የመድኃኒታችንን የኢየሱስ ክርስቶስ ቃለ ወንጌል ለዓለም ሁሉ እንዲዳረስ ማድረግ።

ዝርዝር ዓላማ

  • በመሠረታዊ እና በአጠቃላይ የርቀት ትምህርት መርሐግብሮች ላሉ ኮርሶች የትምህርት ግብዓቶችን ማዘጋጀት።
  • መሠረታዊ የርቀት ትምህርት መርሐግብርን፣ መደበኛ የርቅት ትምህርት ዘዴን እና የኢለርኒንግ የትምህርት ዘዴን በመጠቀም ለ 2000 ምዕመናን ተደራሽ ማድረግ።
  • አጠቃላይ የርቀት ትምህርት መርሐግብርን፣ መደበኛ የርቅት ትምህርት ዘዴን እና የኢለርኒንግ የትምህርት ዘዴን በመጠቀም ለ 1500 ምዕመናን ተደራሽ ማድረግ።
  • በመሠረታዊ ትምህርት መርሐግብር ላሉ ኮርሶች ለያንዳንዳቸው 2000 ሞጁሎች ማሳተም።
  • በአጠቃላይ ትምህርት መርሐግብር ላሉ ኮርሶች ለያንዳንዳቸው 1500 ሞጁሎች ማሳተም።
  • የኢለርኒንግ መሠረተ ልማት ማበልጸግ።

የተማሪዎች መረጃ አያያዝን የሚያቀላጥፍ መተግበርያ ማዘጋጀት።

የፕሮጀክቱ ዝርዝር ተግባራት

  • በአህጉረ በጎሳ መሪዎች/የሀገር ሽማግሌዎች የሚተዳደሩ የማኅበረሰብ ክፍሎችን መለየት
  • የጎሳ መሪዎችን መምረጥ
  • ለጎሳ መሪዎች ጥሪ ማቅረብ
  • አሰልጣኞችን ማዘጋጀት
  • የሥልጠና ማኑዋል ማዘጋጀት
  • የሥልጠና ቦታ ማዘጋጀት
  • የሥልጠና ቁሳቁስ ማሟላት
  • ሥልጠናውን ማከናወን
  • የሥልጠና ሪፖርት ማዘጋጀት
  • ሰልጣኖችን በአገልግሎት ማሰማራት፣ ክትትልና ድጋፍ ማድረግ

የበጀት እቅድ

ተ.ቁ ዝርዝር ጉዳይ ታሳቢ የተደረገ በጀት
1 የትምህርት ግብዓቶች ማዘጋጀት 95,000.00
2 የርቀት ትምህርት ሞጁሎችን ማሳተም 960,000.00
3 ለዋናው ማዕከልና ለ6 ማዕከላት መደበኛ አገልጋዮች ቅጥር 360,000.00
4 ለዋናው ማዕከልና ለ6 ማዕከላት የሚያስፈልጉ የቁሳቁስ ግብዓቶችን ለማሟላት 432,000.00
5 የኢለርኒንግ መሠረተ ልማት ማበልጸግ 50,000.00
6 ድራዊ የተማሪዎች መረጃ ሥርዓት(Web based Student Information Management System) መተግበርያ ማዘጋጀት 50,000.00
  ድምር 1,947,000.00
7 መጠባበቂያ (5%) 97350.00
አጠቃላይ 2,044,350.00

የሚያስፈልግ በጀት

የዚህ ፕሮጀክት ጠቅላላ 2,044,350.00 ብር ሲሆን የበጀት ምንጩም በጎ አድራጊ ምእመናን፣ ማኅበራትና ሰንበት ት/ቤቶች ይሆናሉ።

$
Select Payment Method
Personal Info

Credit Card Info
This is a secure SSL encrypted payment.

Donation Total: $50

የማኅበረሰብ ጎሳ መሪዎች/ሀገር ሽማግሌዎች ሥልጠና ፕሮጀክት

የማኅበረሰብ ጎሳ መሪዎች/ሀገር ሽማግሌዎች ሥልጠና ፕሮጀክት

$1,000 of $22,500 raised

መግቢያ

የኢትዮጵያ ኦርቶዶክስ ተዋሕዶ ቤተ-ክርስቲያን ጥንታዊትና ታሪካዊት ናት፡፡ አስተምህሮዋና መሠረተ እምነቷ ከአማናዊው መምህር ከኢየሱስ ክርስቶስ የተገኘ በመሆኑ አማናዊትና ርትዕት ናት፡፡ የዚህች ርትዕት ቤተ-ክርስቲያን ዋነኛ አገልግሎቷም ሐዋርያዊ ተልእኮ ነው፡፡ቅዱሳን ሐዋርያት ከጌታ በአካል የተማሩትን የምስራች ቃል በታዘዙትና በተሰጣቸዉ መንፈሳዊ ኃይል በመታገዝ በብዙ መከራ ዉስጥ ሆነዉ በዓለሙ ሁሉ ዞረዉ አስተምረዋል፤ ነፍሳትንም ለክርስቶስ ማርከዋል፡፡

ይሁን እንጂ ከቤተክርስቲያን ታሪክ በቀጥታ መረዳት እንደሚቻለው ቤተክርስቲያናችን “ወርቃማ ” ተብለው የሚጠሩ ዘመናትን ያሳለፈች ቢሆንም፣ እጅግ ፈታኝ የሆኑ ጊዜያትንም አሳልፋለች፡፡ ይህም የስብከተ ወንጌል/የሐዋርያዊ አገልግሎት ተደራሽነት እጅግ ውሱን እና የተቋረጠ እንድሆን አድርጓል፡፡ በዚህም ምክንያት ቤተ ክርስቲያኒቱን ለሚናፍቁ በገጠርና ጠረፋማ አካባቢዎች ለሚገኙ ወገኖች መድረስ አልተቻለም፡፡ ይህም መናፍቃኑ ቀድመው በመግባት ብዙዎችን ወደ ምንፍቅና እንዲወስዷቸው በር ከፍቶላቸዋል፡፡ብዙ ወገኖች እውነተኛውን የወንጌል ብርሃን ሳይመለከቱ በእግዚአብሔር ቃል ሳይጠኑ፣ በገጠር በጠረፋማው የሀገራችንና በአጠቃላይ የዓለማችን ክፍል ተበትነው ፣ ድኅነትን እንደናፈቁ ፣ በጎውን ነገር ሳያዩ ሞተ ሥጋ ይቀድማቸዋል፡፡

በተለያዩ አካባቢዎች የሚገኙ ወገኖችን ወደ ቅድስት ቤተ ክርስቲያን ለማምጣት አስተምሮ  ማስጠመቅ እና የሥላሴን ልጅነት ያገኙትን ምዕመናን የቤተ-ክርስቲያን አገልግሎት አግኝተው በምግባር በሃይማኖት  እንዲጸኑ ማድረግ ይጠበቃል፡፡ለዚህም ከየማኅበረሰቡ ሰባክያነ ወንጌልን ማሰልጠንና ማሰማራት፣ ከማኅበረሰቡ መካከል ተሰሚነት ያላቸውን የማኅበረሰብ ክፍሎች ማሰልጠንና ተልእኮ መስጠት ጥቂቶቹ በዋናነት ይጠቀሳሉ፡፡

የፕሮጀክቱ አስፈላነት

በገጠራማና ጠረፋማ አካባቢ በሚገኙ አህጉረ ስብከት  የሚገኙ ወገኖች የሥላሴን ልጅነት ሳያገኙ የሚኖሩ ኢ-አማንያን እጅግ በርካታ ናቸው፡፡ይህም የሆነበት ምክንያት ከማኅበረሰቡ መካከል የሰባኪያነ ወንጌል ባለመኖራቸው ነው፡፡ የመናፍቃኑም እንቅስቃሴም በእጅጉ የሰፋ ነው፡፡

ይህ ቢሆንም አጅግ የሚያስገርመው ነገርና የእግዚአብሔርን ድንቅ ሥራ እንድናስተውል የሚያስገነዝበን ያልተጠመቀ ነዋሪ ማኅበረሰብ የአጥምቁንና እኛንም እንደ እናንተ ክርስቲያን አድርጉን የሚለው ጥሪ ነው፡፡ ስለሆነም እንደ እግዚአብሔር ፍቃድ በሁሉም የሀገረ ስብከቱ ወረዳዎች ለሚገኙ ወገኖች የስብከተ ወንጌልን ተደራሽ በማድረግ የቤተ ክርስቲያናችን አባላት እንዲሆኑ መስራት ይጠበቃል፡፡

ስለዚህ ብዙዎችን ወደ ቤተክርስቲያን ለማምጣት፣ አምነው የተጠመቁትን ደግሞ በምግባር በሃይማኖት ለማጽናት በማኅበረሰቡ ዘንድ ተሰሚነት ያላቸውን፣ ማስተባበርና የሚሰጣቸውን ተልእኮ መፈጸም የሚችሉ አካላትን መርጦ ማሰልጠንና ተልእኮ መስጠት ያስፈልጋል፡፡ይህንንም ለማድረግ በየ አህጉረ ስብከቱ የሚኖሩ ማኅበረሰብ አባላት በጎሳ የሚመሩ መሆኑ፣ ጎሳ መሪዎች ማኅበረሰቡን በመምራትና በማስተባበር ያላቸው ተሰሚነት ማኅበረሰቡን በቤተክርስቲያን አገልግሎት ለመያዝ ያመቻል፡፡ በአካባቢውም ብዙ ጊዜ በአካባቢዎቹ ግጭት ስለሚፈጠር ግጭቱ እንዳይከሰት ከማድረግም አኳያ ከፍተኛ አስተዋጽኦ ይኖራቸዋል፡፡ ስለዚህ የጎሳ መሪዎችን ማሰልጠንና ማሰማራት ከታቻለ ብዙ ወገኖችን መያዝ ይቻላል፡፡ያላመኑትን አስተምሮ አሳምኖ  ማስጠመቅ፣ የተጠመቁትን አዳዲስ አማንያን ደግሞ በምግባር በሃይማኖት በማጽናት ውጤታማ የሐዋርያዊ አገልግሎት መፈጸም ይቻላል፡፡

የፕሮጀክቱ ዓላማ

ለሐዋርያዊ አገልግሎት መስፋፋት በማስተባበርና አገልግሎቱን በመምራት፣ ምእመናንን ማስተባበር የሚችሉ፣ በአካባቢው ማኅበረሰብ ዘንድ አዎንታዊ ተጽእኖ መፍጠር የሚችሉና ቀዳሚ ሚና የሚጫወቱ 300 የጎሳ መሪዎችን/የሀገር ሽማግሌዎችን ማሰልጠንና ተልእኮ መስጠት ነው፡፡

የፕሮጀክቱ ዝርዝር ተግባራት

  • በአህጉረ በጎሳ መሪዎች/የሀገር ሽማግሌዎች የሚተዳደሩ የማኅበረሰብ ክፍሎችን መለየት
  • የጎሳ መሪዎችን መምረጥ
  • ለጎሳ መሪዎች ጥሪ ማቅረብ
  • አሰልጣኞችን ማዘጋጀት
  • የሥልጠና ማኑዋል ማዘጋጀት
  • የሥልጠና ቦታ ማዘጋጀት
  • የሥልጠና ቁሳቁስ ማሟላት
  • ሥልጠናውን ማከናወን
  • የሥልጠና ሪፖርት ማዘጋጀት
  • ሰልጣኖችን በአገልግሎት ማሰማራት፣ ክትትልና ድጋፍ ማድረግ

የጎሳ መሪዎች/ሀገር ሽማግሌዎች ድርሻ በሐዋርያዊ አገልግሎት

የሀገር ሽማግሌዎች/የጎሳ መሪዎች በቤተ-ክርስቲያን አገልግሎት ያላቸው ድርሻ ጉልህ ነው፡፡የቤተክርስቲያንን አገልግሎትን በማስተባበር፣ ምእመናንን በመንቀሳቀስ ፣በማስተማር፣ የአጽራረ ቤተክርስቲያንን እንቅስቃሴ በመከታተል እና ሌሎችንም በማገልገል ለቤተክርስቲያን አገልግሎት የድርሻቸውን መወጣት የሚችሉና አዎንታዊ ተጽእኖ የሚፈጥሩ የማኅበረሰብ ክፍሎች ናቸው፡፡

በተለያዩ አካባቢዎች ከሚያጋጥሙት ችግሮች መካከል በተለያዩ ማኅበረሰብ አባላት አለመግባባቶችና ግጭቶች ይፈጠራሉ፡፡እነዚህ የጎሳ መሪዎች በቤተ ክርስቲያን አገልግሎት የሚኖራቸውን ድርሻ ማሰልጠንና ማሰማራት ቢቻል ዘርፈ ብዙ ችግሮችን መቅረፍ ይቻላል፤ ይህም ለሐዋርየዊ አገልግሎቱ መስፋፋት ትልቅ አስተዋጽኦ ያበረክታል፡፡

የሀገር ሽማግሌዎች/የጎሳ መሪዎች በቤተ ክርስቲያን አገልግሎት ድርሻ ከፍተኛ  ሲሆን በዋናነት የሚከተለውን ያጠቃልላል፡፡

  • ቤተ ክርስቲያንን በአርአያነት የማገልገልና የመጠበቅ ኃላፊነት አለባቸው፡፡
  • የያዙትን ሃይማኖት አጽንተው መያዝ
  • የቤተክርስቲያንን ትምህርት ዘወትር መማርና በምግባረ ክርስትና መጽናት
  • የተማሩትን የቤተክርስቲያን ትምህርት ላልተማሩት ወገኖች ማስተማር
  • ወደ ኦርቶድክሳዊት ተዋህዶ ቤተክርስቲያን ያልመጡ የቤተሰብ አባላት ከአሉ የቤተክርስቲያንን ትምህርት እንዲማሩ ማድረግ
  • በአካባቢው ያሉ የማኅበረሰቡ አባላት የቤተ ክርስቲያንን ትምህርት በተከታታይ እንዲማሩ ማስተባበርና ቅስቀሳ ማድረግ
  • የቤተክርስቲያን ትምህርት የተማሩ የማኅበረሰቡ አባላት እንዲጠመቁ ቅስቀሳ ማድረግና ማስተባበር
  • የአካባቢው ማኅበረሰብ አባላት የቤተክርስቲያን ትምህርት እንዲማሩ የሚሰባሰቡበት ቦታ ማዘጋጀት፣ አዳራሽ ለመስራት ማስተባበር
  • የአካባቢው ማኅበረሰብ አባላት ልጆቻቸውን ወደ ቤተክርስቲያን ተምህርት እንዲልኩ ማስተባበርና ቅስቀሳ ማድረግ
  • በአካባቢው ሰላም እንዲሰፍንና በምእመናን ዘንድ መከፋፈል እንዳይኖር ማድረግ

የሚሰጡ ሥልጠናዎች ዝርዝር

  1. የመዳን ትምህርት 8 ሰዓት
    • ነገረ ድኅነት ምንድ ነው?
    • ከምንድ ነው የምንድነው?
    • እንዴት ዳን?
    • ዘለዓለማዊ ሕይወት
    • የክርስቲያናዊ ሥነ ምግባር አስፈላጊነት
    • ምሥጢራተ ቤተክርስቲያንና ተሳታፊነት ሥርዓተ ቤተ ክርስቲያን አስፈላጊነት
  2. ነገረ ሃይማኖት /ትምህርተ ሃይማኖት
  3. ሥነ ፍጥረት
  4. የኦርቶዶክስ ተዋህዶ ቤተ ክርስቲያን ምንነትና ታሪካ በአጭሩ
  • ኦርቶዶክስ
  • ቤተ ክርስቲያን ትርጉም፣ ባሕርይ ፣ ተልእኮ ፣ታሪክ
  1. የጎሳ መሪዎች ሚና በቤተክርስቲያን አገልግሎት
  2. የግጭት አፈታት

የሥልጠናው በጀት

የዚህ ፕሮጀክት ጠቅላላ 900,000.00 (ዘጠኝ መቶ ሺህ) ብር ሲሆን የበጀት ምንጩም በጎ አድራጊ ምእመናን፣ ማኅበራትና ሰንበት ት/ቤቶች ይሆናሉ።

$
Select Payment Method
Personal Info

Credit Card Info
This is a secure SSL encrypted payment.

Donation Total: $50

በሐላባ ፣ ከምባታ ጠምባሮ ሀገረ ስብከት የሐዋርያዊ አገልግሎትን ተደራሽ ማድረጊያ ፕሮጀክት

የሐላባ፣ ከምባታ ጠምባሮ ሀገረ ስብከት የሐዋርያዊ አገልግሎት ማስፋፊያ ፕሮጀክት

$1,190 of $189,350 raised

መግቢያ

የሐላባ፣ከምባታ ጠምባሮ ሀገረ ስብከት መገኛ በደቡብ ክልል ከሚገኙ ዞኖች አንዱ በሆነው በከምባታ ጠምባሮ ዞን ሲሆን በሰሜን በኩል ጉራጌ፣ በደቡብ ምሥራቅ በኩል ሐዲያ፣ በደቡብ በኩል ወላይታ፣ በደቡብ ምዕራብ በኩል ዳውሮ፣ በሰሜን ምዕራብ በኩል ሐዲያ እና በምስራቅ በኩል አላባ ልዩ ወረዳ ያዋስኑታል፡፡ የዞኑ ዋና ከተማ ዱራሜ ሲሆን ከአዲስ አበባ በስተ ደቡብ 300 ኪ.ሜ አካባቢ ርቀት ላይ ይገኛል፡፡ የዞኑ አጠቃላይ የቆዳ ስፋት 1,355.89, ካሬ ኪ.ሜ ሲሆን በ1999 ዓ/ም በተደረገው የሕዝብና ቤት ቆጠራ ውጤት መሠረት የዞኑ ጠቅላላ ነዋሪ ሕዝብ ብዛት 1,080,837 ሲሆን ከጠቅላላ ሕዝብ መካከል 6.55% ብቻ የኦርቶዶክስ ተዋሕዶ ሃይማኖት እምነት ተከታይ ናቸው፡፡

ይህ የሚያመለክተው በአካባቢው ያለው የቤተ ክርስቲያን ሐዋርያዊ አገልግሎት ውሱንነት ያለበትና የአጽራረ ቤተክርስቲያን በተለይም የፕሮቴስታንትዚም እንቅስቃሴና ተጽዕኖ  በከፍተኛ ደረጃ የሚታይበት መሆኑን ነው። በዚህም ምክንያት የሥላሴን ልጅነት ሳያገኙ የሚኖሩ፣ ከቤተ ክርስቲያን የኮበለሉ߹ በስብከተ ወንጌል ተደራሽ ያልሆኑና የቤተ ክርስቲያኒቱን መሠረተ እምነት የሚያስተምራቸው በማጣታቸው በክህደት ትምህርት ተውጠው የቀሩ በርካቶች ናቸው፡፡

በሀገረ ስብከቱ ያለው የቅድስት ቤተ ክርስቲያን አገልግሎት ተግዳሮት

    የአብያተ ክርስቲያናትና አገልጋይ ካህናት አለመኖር

  • በብዙ አካባቢዎች የኪዳን ፣ የቅዳሴ አገልግሎት፣የሙታን ፍትሐት፣ የልጆች የ40/80 ቀናት የልጅነት ጥምቀት አገልግሎት የለም፡፡ ለምሳሌ፡-

በሀገረ ስብከቱ ከሚገኘው ጠምባሮ ወረዳ 30 አብያተ ክርስቲያናት መካከል

  • አሥራ ዘጠኙ አብያተ ክርስቲያናት ምንም ካህን የሌላቸው ናቸው፡፡
  • በሳምንት የሚቀደስባቸው ሁለት አብያተ ክርስቲያናት ብቻ ናቸው፡፡
  • አራቱ አብያተ ክርስቲያናት በወር አንድ ጊዜ ይቀደስባቸዋል፡፡
  • ሌሎቹ በዓመት የሚቀደስባቸው ናቸው፤ ይህም ሆኖ አገልጋዮች ሳይገኙ ሲቀሩ በዓመትም የሚታጎልባቸው አብያተ ክርስቲያናት አሉ፡፡
  • በአካባቢያቸው አገልጋይ ካህናትና አብያተ ክርስቲያናት ባለመኖራቸው ለቀብር ብዙ ርቀት መጓዝ (ሬሳ እስከሚሸት ድረስ ማቆየት) ይጠበቅባቸዋል፡፡
  • ወደ አብያተ ክርስቲያናት ብዙ ርቀት ሲጓዙ በአውሬ የሚበሉ ሕጻናት አሉ (ለምሳሌ በአንድ ዓመት በአንጋጫ ወረዳ ብቻ 14 ሕጻናት በጅብ ተበልተዋል)፡፡
  • አብያተ ክርስቲያናትም የሌላቸው በርካታ ቀበሌዎች አሉ፡፡ ለምሳሌ በሀገረ ስብከቱ በሚገኘው አንጋጫ ወረዳ ከ22 ቀበሌዎች መካከል 10 ሕንጻ ቤተ ክርስቲያን ብቻ ይገኛሉ፡፡
  • በካህን እጥረት የተዘጉ፣ አቧራ የወረራቸው አብያተ ክርስቲያናት በርካታ ናቸው፡፡

የሰንበት ት/ቤት አገልግሎት ተደራሽ አለመሆንና አለመጠናከር

  • በርካታ አብያተ ክርስቲያናት ሰንበት ት/ቤት የላቸውም፡፡ ለምሳሌ በሀገረ ስብከቱ በሚገኘው ጠምባሮ ወረዳ ከሚገኙ 30 አብያተ ክርስቲያናት መካከል 20 አብያተ ክርስቲያናት የሰንበት ት/ቤት አገልግሎት የላቸውም፡፡ እንዲሁ አንጋጫ ወረዳ  ከሚገኙት 22 ቀበሌዎች አሥራ ስድስት ቀበሌዎች ሰንበት ት/ቤት የላቸውም፡፡
  • ሰንበት ት/ቤት ያላቸውም አብያተ ክርስቲያናት ሰንበት ት/ቤቶቹ በአግባቡ የተደራጁ አይደሉም፤
  • ሕጻናትንና ወጣቶችን ሰብስቦ የሚይዝ የሚያስተምር ሰባኬ ወንጌል የላቸውም፣ የስብከተ ወንጌል አዳራሽ፣ ቤተ መጻሕፍትም የላቸውም፡፡
  • በሰንበት ት/ቤቶቹም የሚሳተፉ የወጣቶችና ሕጻናት ቁጥራቸው አናሳ ነው፡፡

የስብከተ ወንጌል አገልግሎት ተደራሽነት ውሱንነት ያለበትና የተቋረጠ መሆን

  • ለምእመናን ቅዱስ ወንጌልን ተደራሽ ለማድረግ ጠንካራ የሰርክ ጉባኤ አይደረግም፡፡
  • በሀገረ ስብከቱ ባሉ ወረዳዎች ገጠራማም ሆነ ከተማዎች የሚደረጉ ጉዳይ ተኮር ጉባኤያት የሉም፡፡
  • በስብከተ ወንጌል አገልግሎት የተሰማሩ አገልጋይ ሰባክያነ ወንጌል ቁጥር አናሳ ሲሆን ሰባኬ ወንጌል የሌለባቸው በርካታ አካባቢዎች ይገኛሉ፡፡
  • የስብከተ ወንጌል አገልግሎቱ በመቋረጡ ምክንያት ምእመናን ከቤተ ክርስቲያን ስለወጡ ምንም ክርስቲያን የሌለባቸው አካባቢዎችና ቀበሌዎች አሉ፡፡

ከፍተኛ የሆነ የአጽራረ ቤተ ክርስቲያን (መናፍቃን) እንቅስቃሴ

  • መናፍቃን በአካባቢው ቀድመው በመግባት በቅድስት ቤተ ክርስቲያን አገልግሎት ላይ በርካታ ጉዳት አድርሰዋል፡፡
  • በገጠርም በከተማም ጩኸት የበዛባቸው ትልልቅ ኮንፈረንሶች ይደረጋሉ፡፡
  • ማኅበራዊ አገልግሎት በማስፋፋት ምንፍቅናቸውን ለማስፋፋት ይጠቀሙበታል፤ ምእመናን ላይም ጫና ያደርጋሉ (ከእድርና እቁብ ምእመናንን ያስወጣሉ)፤የእነዚህ አገልግሎት ተጠቃሚ ለመሆን መናፍቅ መሆን እንዳለባቸው ቅድመ ሁኔታዎችን በማስቀመጥ ምእመናን ላይ ጫና ያሳድራሉ፡፡
  • ሕጻናትና ወጣቶች ወደ ቤተ ክርስቲያን እንዳይሄዱ ጫና ያደርጋሉ፡፡
  • በርካታ አዳራሾች በመስራት ምንፍቅናቸውን ያስፋፋሉ፣ በብዙ አካባቢዎች በአማካይ በአንድ ቀበሌ ከ8-14 አዳራሾች ሲኖራቸው፤ ምሳሌ ለመጥቀስ ያክል በጠምባሮ ወረዳ በሚገኙ 24 ቀበሌዎች 117 የመናፍቃን አዳራሾች ይገኛሉ፡፡
  • የአቅመ ደካማ ልጆችን ኢኮኖሚያዊ ድጋፍ በማድረግ በርካታ ልጆችን ከሃይማኖት አስወጥተዋል፡፡
  • የኦርቶዶክሳውያንን ቦታ ይዞታ ይነጥቃሉ፣ የቤተ ክርስቲያንን የልማት ቦታ ያወድማሉ፡፡
  • ከተለያዩ ክፍላት ዓለማት የተሰበሰቡ መናፍቃን በተደጋጋሚ ሁኔታ የኮንፈረንስና የጸሎት መርሐግብር ያደርጋሉ፡፡ (በሄሊኮፕተር ጭምር ሰዎችን በማጓጓዝ ያስተምራሉ) “በ7 ዓመት ከኦርቶዶክስ የጸዳች ዞን እናዳርጋለን” ብለው በይፋ ይናገራሉ፡፡
  • የተለያዩ አጋጣሚዎችን በመጠቀም በገበያ ቦታ፣ ቤት ለቤት፣ በሐዘንና በሰርግ ቤት፣ በእረኝነት ቦታ፣ በት/ቤቶችም ጭምር የሐሰት ትምህርታቸውን ያስፋፋሉ፡፡

ከመናፍቃን ቅሰጣ የተረፉት ምእመናን “ድረሱልንና መንግስቱን በጋራ እንውረስ” እያሉ ጥሪያቸውን               ያስተላልፋሉ፡፡ እርስዎም ከታች የተጠቀሱትን የሐዋርያዊ አገልግሎት ማስፋፊያ ፕሮጀክቶች በመደገፍ             ክርስቲያናዊ  ኃላፊነትዎን ይወጡ፡፡

የሐዋርያዊ አገልግሎቱን ተደራሽ ለማድረግ የሚከናወኑ ዓበይት ተግባራት

ተ.ቁ ፕሮጀክት የአንዱ በጀት ጠቅላላ በጀት
1 100 ሰባክያነ ወንጌል ሥልጠና 4000.00 400,000.00
2 50 ካህናት ሥልጠና 2000.00 100,000.00
3 25 ሰባክያነ ወንጌል ቅጥር 2,000.00 600,000.00
4 50 ጎሳ መሪዎች/ሀገር ሽማግሌዎች ሥልጠና 3000.00 150,000.00
5 20 ጉዳይ ተኮር ጉባኤያት ማከናወን 15,000.00 300,000.00
6 5 የስብከተ ወንጌል ሳምንት 60,000.00 300,000.00
7 በ6 የወረዳ ከተሞች ወርሐዊ ጉባኤያትን  ማጠናከር 24,000.00 144,000.00
8 የ25 ሰንበት ት/ቤቶችን አገልግሎት ማጠናከር 100,000.00 1,000,000.00
9 20 የተዘጉ አብያተ ክርስቲያናት ማስከፈት 60,000.00 1,200,000.00
10 2 ሕንጻ አብያተ ክርስቲያናት ግንባታ 1,000,000.00 2,000,000.00
11 የ2 ሞተር ብስክሌት ግዥ 75,000.00 150,000.00
12 የ10 ድምጽ ማጉያ ግዥ 15,000.00 150,000.00
13 ቋንቋዎች የመዝሙርና ስብከት ዝግጅትና ሥርጭት 20,000.00 80,000.00
14  5 የስብከት ኬላ አዳራሽ ግንባታ 200,000.00 1000,000.00
ድምር   7,574,000.00

ማጠቃለያ

የቤተ ክርስቲያንን አገልግሎት እኔ እላካለሁ በማለት ለሐዋርያዊ አገልግሎት መትጋት  የእያንዳንዱ የቤተ ክርስቲያን አካል ድርሻ በመሆኑ ረድኤተ እግዚአብሔርን አጋዥ አድርገን  በስሑታን ትምህርት ለተወሰዱትና ቃለ እግዚአብሔርን ናፍቀው በሜዳ ለሚቅበዘበዙት ወገኖቻችን እንደርስላቸው ዘንድ “ኑ የወንጌል ማኅበርተኛ እንሁን!” እያለ ማኅበረ ቅዱሳን መንፈሳዊ ጥሪውን ያስተላልፋል፡፡

 

$
Select Payment Method
Personal Info

Credit Card Info
This is a secure SSL encrypted payment.

Donation Total: $50

አርሲ ሀገረ ስብከት የማኅደረ ስብሐት በዓታ ለማርያም ወቅዱስ ፋኑኤል ገዳም አብነት ትምህርት ቤት ግንባታ ፕሮጀክት

አርሲ ሀገረ ስብከት የማኅደረ ስብሐት በዓታ ለማርያም ወቅዱስ ፋኑኤል ገዳም አብነት ትምህርት ቤት ግንባታ ፕሮጀክት

$2,410 of $96,596 raised

 

የፕሮጀክቱ አስፈላጊነት
በሀገረ ስብከቱ ከአገልጋይ ካህናት እጥረት የተነሳ የተሟላ አገልግሎት የማይሰጡ ፣ ምንም አገልግሎት የማይሰጡ ያሉበት በመሆኑ የአብነት ትምህርት ቤት መስራት አስፈልጓል፡፡
. የቤተክርስቲያን ተረካቢ የሚሆኑ የአካባቢውን ልጆች በማስተማር ቀሳውስት እና ዲያቆናትን በሚፈለገው መጠን ለማፍራት ያስችላል፣
. የአብነት ትምህርት ቤቱ በየሁለት ዓመቱ ተማሪዎችን ተቀብሎ በማስተማር በሀገረ ስብከቱ በአገልጋይ እጦት ምክንያት የተጓደለውን መንፈሳዊ አገልግሎት እንዲጠናከር እና የተዘጉትን እንዲከፈቱ ያደርጋል፣
. ለምዕመናኑ በቂ መንፈሳዊ አገልግሎት በመስጠት እና በአካባቢው ቋንቋ ወንጌል በማስተማር ያመኑትን በሃይማኖታቸው ፀንተው እንዲቆዩ ለማድረግ፣ የጠፉትን ለመመለስ እና ያላመኑትን ለማሳመን ከፍተኛ አስተዋፅዖ ስለሚኖረው ይህንን ፕሮጀክት መቅረፅ አስፈላጊ ሆኗል።
የፕሮጀክቱ ግብና ዓላማ
ግብ
በሀገረ ስብከቱ የአብነት ትምህርት ቤት ግንባታ በማካሄድ ቀሳውስት እና ዲያቆናት በማፍራት የተዘጉ አብያተ ክርስቲያናት እንዲከፈቱ እና የተሟላ መንፈሳዊ አገልግሎት እንዲሰጡ ማድረግ ነው፡፡
ዓላማ
• በየሁለት ዓመቱ 40 የአብነት ተማሪዎችን ተቀብሎ ማስተማር የሚያስችል የአብነት ትምህርት ቤት መገንባት ፣
• በየሁለት ዓመቱ 30 የአብነት ተማሪዎች ለድቁና እና 10 የአብነት ተማሪዎች ለቅስና አስተምሮ ማብቃት፣
• ሁሉንም ደቀመዛሙርት ከአብነት ትምህርቱ ጎን ለጎን መሰረታዊ ትምህርተ ሐይማኖት እና የስብከት ዘዴን ማስተማር ፡፡

የፕሮጀክቱ ይዘት
ይህ የአብነት ት/ቤት ፕሮጀክት በውስጡ የሚያካትታቸው ዝርዝር ተግባራት የሚከተሉት ይሆናሉ፡፡
1. የጉባኤ ቤት፣ የማደሪያ፣ የመመገቢያ፣ የማብሰያ፣ የመጸዳጃ፣ ገላ መታጠቢያ ቤቶችን እና ልብስ ማጠቢያን ግንባታ
2. የውስጥ መገልገያ እቃዎች ማሟላት
3. የሕንጻ አስተዳደር ስልጠና
4. የአብነት ት/ቤት አስተዳደራዊ መዋቅር ዝግጅት እና ትግበራ
5. የአብነት መምህራን ቅጥር እና ስልጠና
6. የተማሪዎች ምልመላ፣ ቅበላ እና ስልጠና

የፕሮጀክቱ ወጪ
. የፕሮጀክቱ ጠቅላላ ወጪ ብር 3,863,859 ብር (ሶስት ሚሊየን ስምንት መቶ ስልሳ ሶስት ሺህ ስምንት መቶ አምሳ ዘጠኝ)

የፕሮጀክቱ የትግበራ ቆይታ ጊዜ
. አንድ ዓመት

$
Select Payment Method
Personal Info

Credit Card Info
This is a secure SSL encrypted payment.

Donation Total: $50

በኦሮሚያ ክልል በምእራብ አርሲ ዞን በሻሸመኔ ከተማ ለተጎዱ ኦርቶዶክሳዊ ወገኖች የመልሶ ማቋቋም

በኦሮሚያ ክልል በምእራብ አርሲ ዞን በሻሸመኔ ከተማ ለተጎዱ ኦርቶዶክሳዊ ወገኖች የመልሶ ማቋቋም

$930 of $9,979 raised

መግቢያ

የኢትዮዽያ ኦርቶዶክስ ተዋህዶ ቤተክርስቲያን ባለፉት ሺ ዘመናት በሀገራችን በኢትዮጽያ መንግስታዊ ሃይማኖት በመሆን በሀገረ መንግስት ግንባታና ህዝብ አስተዳደር ከሚነገራው በላይ ታላቅ አስተዋጽኦ ማድረጓ እሙን ነው፡፡ ይሁን እንጂ ባለፉት ሃምሳ አመታት በሀገሪቱ በተነሱ ስሁት ፖለቲከኞችና የባእዳን ትርክት በተጠመቁ ጥራዝ ነጠቅ ተከታዮቻቸው በእጅጉ እየተፈተነች ትገኛለች፡፡ ከዚህ በተጓዳኝ ደግሞ በጠንካራ ምእመኖቿ በመታገዝ ኦርቶዶክሳዊነትን በማስፋፋት በአሁኑ ሰአት  አገልግሎቷን በሃምሳ ሦስት (53) አህጉረ ስብከት (በአገር ውስጥ አርባ አራት (44) እና በውጭ አገር ዘጠኝ (9))፤ ከ40 ሺህ በላይ ገዳማትና አድባራት፣ ከ500 ሺህ ያላነሱ ካህናትን እያስተዳደደረች፤ ከ45 ሚሊዮን በላይ ተከታይ ምዕመኗን በማገልገል ላይ ትገኛለች፡፡ በኢትዮጵያ ካሉት ሌሎች እምነቶች አንጻር ከፍተኛ ቁጥር ያላቸውን ምእመናን የያዘች ስትሆን ወጣቶችን በሰንበት ትምህርት ቤት የተለያዩ ሃይማኖታዊ ትምህርት በማስተማር በሥነ ምግባር እንዲታነጹ በማድረግ፤ በአብዛኛዎቹ አብያተ ክርስቲያናት እና ገዳማት የአብነት ትምህርት ቤቶችን በመክፋት፣ በአጥቢያ በሚሰጡ ስብከተ ወንጌል በማስተማር ትውልዱ እግዚአብሔርን እንዲያውቅ፣ እንዲያመልከውና ትዕዛዙን እና ህጉን አውቆ እንዲተገብርና እንዲድን ስታደርግ ቆይታለች። ይሁን እንጂ የቅድስት ቤተክርስቲያን በጎ እድገትና የምእመናን አንድነት በቀንና በለሊት የሚያቃዣቸው የባእዳን ቅጥረኞች፤ የዲያቢሎስ ጉዳይ አስፈጣሚዎች ቅድስት ቤተክርስቲያንን ክፉኛ እየተፈታተኗት ይገኛሉ፡፡ በቅርቡም በሰኔ ወር 2012 ዓ.ም በኦሮሚያ ክልል ተከስቶ በነበረው ጥቃት በርካታ በሺዎች የሚቆጠሩ ምእመናን ከመኖሪያ ቤታቸው ተፈናቅለዋል፤ 197 ምእመና  ሕይወታቸውን በአሰቃቂ ሁኔታ አጥተዋል፣ አምስት ቢሊየን የተገመተ የኦርቶዶክሳውያን ንብረታቸው በቃጠሎ ወድሟል፤የተረፈውም ተዘርፏል፣ በህየወት የተረፉ ምእመናንም ለአካል እና  ለሥነ ልቦናዊ ጉዳትም ተዳርገዋል፡፡

በመሆኑም ማኀበረ ቅዱሳን እንደ አንድ የቤተክርስቲያኒቱ አካል ከበጎአድራጊ ምእመናን እና ከአበላቱ በማስተባበር ለተጎጂ ምእመናን የተቻለውን ጊዚያዊ ድጋፍ ሲያደር ቆይቷል፡፡ ነገር ግን ችግሩ ዘርፈብዙና በቀላሉ የማይቀፈር ሆኖ በመገኘቱ ደረጃ በደረጃ የሚፈጸም ዘለቄታዊ የማቋሚያ ፕሮጀክት ተግባራዊ ማድረግ አስፈላጊ ሆኖ ተገኝቷል፡፡ ይህንንም ለመፈጸም ይረዳ ዘንድ ይህ የመነሻ አነስተኛ የፕሮጀክት ሃሳብ ተቀርጿል፡፡

የፕሮጀክቱ አስፈላጊነት

በኢትዮጵያ ኦርቶዶክስ ተዋሕዶ ቤተክርስቲያን ተከታዮች ላይ በተዘራው እጅግ አደገኛና በዘረኝነት የተለወሰ የፖለቲካ ዲስኩርስ የተነሳ ምእመናን በለፉት ሃምሳ አመታት በተለየ መልኩ ደግሞ ባለፉት ሁለት አስርት አመታት እየደረሰ የሚገኘው ድንገተኛ እና እጅግ አሰቃቂ አደጋዎች በምእመናን ላይ ከፍተኛ እንግልትና የኑሮ ምስቅልል አስከትሏል፡፡ ችግሩም ወደ እስከፊ ደረጃ መድረሱን ባለፉት ሁለት አመታት በተከታታይ በደረሱት ዉድመቶች ለማየት ተችሏል፡፡ አጽራረ ቤተክርስቲያኑ በየክልሉ የመንግት መዋቅር ውስጥ ባላቸው ሃላፊነት በመጠቀም ምእመናንን ተስፋ የማስቆረጥና እምነታቸውን እንዲቀይሩ በማስገደድ፤ የስራ እድል ኢንዲያጡ በማድረግ፤ ማህበራዊና ፖለቲካዊ ጫና በማሳደር፤ መንፈሳዊ አገልግሎቶችን በመስተጓጐል፤ እንዲሁም ካህናቱና ምእመናኑ ከአከባቢያቸው ተሰደው እንዲወጡ በማድረግ እጅግ የተቀናጀና ዘርፈ ብዙ ጥቃት እያደረሱ ይገኛል፡፡ በመሆኑም ለችግሩ ዘለቄታዊ መፍትሄ ለመስጠት የተጠናና የተጠናከረ ፖለቲካዊ፤ኢኮኖሚያዊ እና ማህበራዊ መፍትሄዎች ማፈላላግ የግድ የሚልበት ደረጀ ላይ ተደርሷል፡፡  ችግሮቹም ስር የሰደዱና ደረጃ በደረጃ የሚቀረፉ እንደሆኑ ይታመናል፡፡ ከዚህም ባሻገር

  • መንግስ ለተጎጂ ወገኖች ትኩረት ባለመስጠቱ ተጎጂዎች በቶሎ ወደ ቀድሞ ህይወታቸው መመለስ መቸገራቸው፤
  • አጥፊዎቹ በታቀደው መሰረት ተጎጂዎች ዳግም እንዳያንሰራሩ በሚያደርግ መልኩ የውድመት ስራ የፈጸሙ መሆኑና ተጎጂዎች በቀላሉ ለማገገም መቸገራቸው
  • በአከባቢው የሚኖሩ ከጥቃቱ የተረፉ ምእመናን ለተጎጆዎች መልሶ መቋቋም በቂ ድጋፍ ለማድግ አቅም ማጣት፤
  • በአጠቃላይ እስካሁን ለተጎጂዎች የተደረጉ ድጋፎች ጊዚያዊ እርዳታ ተኮር በመሆናቸው ተጎጂ ምእመናን አሁንም በእንግልት ላይ የሚገኙ መሆኑ እና ለተጨማሪ አደጋ የሚጋለጡበት ሁኔታ መኖሩ፤ ዘላቂ መፍትሄ መፈለግ እንደሚገባ ያሳያል፡፡ ለምሳሌ የዚህ ፕሮጀክት ታሳቢ ተጠቃሚዎች በአጠቃለይ ከሃያ የቤተሰብ አባላት በላይ የሚያሰተዳድሩ በሚሊዮን የሚገመት ንብራት የወደመባቸው ቢሆንም ምንም በዘለቄታው የሚቋቋሙበት ሁኔታ ባመፈጠሩ በየመቃብ ቤቱ ተጠልልው ይገኛሉ፡፡

በመሆኑም ይህን ታሳቢ ባደረገ መልኩ ይህ አነስተኛ የሙከራ የመልሶ ማቋቋም ፕሮጅከት መቅረጽ አስፈላጊ ሆኖ ተገኝቷል፡፡

የፕሮጅክቱ አዋጭነት

ፕሮጀክቱ በዋናናት በተጎጂዎች የቀደመ የንግድ ክህሎት እና ልምድ ላይ ተመስሩቶ የተሰነደ ሲሆን፤ የጥፋቱ ሰለባዎች ህይወታቸውን በተለያ የንግድ ስራዎች ላይ ተሰማርተው ይመሩ እንደነበረ ተረጋግጣል፡፡ ከዚህም በተጨማሪ የሻሸመኔ ከተማ ከፉተኛ የሆነ የንግድ እንቅስቃሤ የሚካሄድበት ፤ የበርካታ የደቡብና የደቡብ ምእራብ የዞንና የወረዳ ከተማዎች መገናኛ መስቀለኛ ከተማ በመሆኑ ጥሩ የንግድ ስራ ገቢ የሚገኝበት ከተማ ናት፡፡ በመሆኑም የተጎጂዎችን የቀደመ የስራ ልምድ እና የከተማውን ነባራዊ ሁኔታ ታሳቢ በማድረግ ፕሮጀክቱ ቢተገበር አዋጪ ይሆናል ወይም ተጎጂዎችን በተገቢው መንገድ አትራፊ ደርጋል ተብሎ ታምኖበታል፡፡

የፕሮጀክቱ ግብ

የጥፋት ሰለባ የሆኑ ኦርቶዶከሳዊያን ክርስቲያኖች አስፈላጊው የመልሶ መቋቋም ድጋፍ ተደርጎላቸው፣ ወደ ቀደመ የኑሮ ዘይቢያቸው እንዲመለሱና ተረጋግተው እነዲኖሩ ማሰቻል

ዝርዝር ዓላማ

  • ቤትና ንብረት ለወደመባቸው እና የንግድ መተዳደሪያቸውን ላጡ ተጎጂዎች የወደመባቸውን የገቢ ማስገኛ ስራ ለመጀመር የሚችሉበትን ድጋፍ ማድረግ
  • ከዚህ ትግበራ የተገኙ በጎ ውጤቶችና ተግዳሮቶችን በመመዘን ለቀጠዩ ፕሮጀክት የተሻለ የፕሮጀክት ትግበራ ስልት መቀየስ ናቸው።

የፕሮጀክቱ መተግበሪያ ስልት

ይህ ፕሮጀክት ሊተገበር ከታሰበው የመልሶ ማቋቋም ፕሮጅክት አንጻር አነስተኛ እና የሙከራ ፕሮጅክት ነው፡፡ በመሆኑም ፕሮጀክቱ ለተጎጂዎች የቀጥታ የመቋቋሚያ ድጋፍ በማድረግ የሚተገበር ይሆናል፡፡ ፕሮጅክቱ ያለውን ነባራዊ ሁኔታ ባገናዘበ መልኩ ለእያዳንዱ ተጎጂ መጠነኛ የስራ ማንቀሳቀሻ ወይም ማስጀመሪያ ወጪዎችን ብቻ የሚሸፍን ይሆናል፡፡

ዋና ዋና ተግባራት

  • ከፕሮጀክቱ ተጠቃሚዎች ወይም ከተጎጂዎች ጋር ስለሚደረገው ድጋፍ በዝርዝር መወያየት
  • የወደመውን የንግድ እነቅስቃሴ ሊተካ የሚችለውን የንግድ/ ቢዝነስ አማራጭ መለየት
  • ለስራው የሚያስፈልጉ ቁሳቁሶችን/ግብአቶችን በአይነትና በገንዘብ ማበርከት
  • ተጎጂዎች በታሰበው መልኩ መንቀሳቀሳቸውን መከታተል፤ማበረታታት
  • የማጠናከሪያ የስነልቦና ድጋፍ ማድረግ
  • ተሞክሮዎችን መቀመር ናቸው፡፡

የፕሮጅክቱ ዉጤት

ተጎጂዎች በአጭር ጊዜ ውስጥ ወደ ቀደመ የኑሮ ዘይቢያቸው ተመልሰው እና ተረጋግተው መኖር መጀመራቸው የዚህ ፕሮጀክት ዋነኛ ውጤት ተደርጎ የሚወሰድ ይሆናል፡፡ በፕሮጅክቱም አራት ተጎጂ ምእመናን ተጠቃሚ የሚሆኑ ይሆናል፡፡

የፕሮጀክት ትግበራ ቦታ

የፕሮጅክቱ የትግበራ ቦታ በኦሮሚያ ክልላዊ መስተዳድር በምእራብ አርሲ ዞን በሻሸመኔ ከተማ ይሆናል፡፡ ኦርቶዶክሳዊያን ላይ በደረሰው አሰቃቂ ሁኔታ ተጆጂ ከሆኑት መካካል ለተማረጡ አራት ተጎጂ ምእመናን የሚውል ይሆናል፡፡

የፕሮጀክቱ ተጠቃሚዎች

የፕሮጅክቱ ተጠቃሚዎች በኦሮሚያ ክልላዊ መስተዳድር በምእራብ አርሲ ዞን በሻሸመኔ ከተማ ኦርቶዶክሳዊያን ላይ በደረሰው አሰቃቂ ሁኔታ ተጆጂ ከሆኑት መካካል ለተማረጡ አራት ተጎጂ ምእመናን ይሆናሉ፡፡

አጋዥ እና ተባባሪ አካላት

ፕሮጀክቱ በአጠቃላ በማእከላት እና ወረዳ ማእከላት፤ ሀገረ ስብከት፤እንዲሁም በበጎ አድራ ምእመናን ድጋፍና ትብብር የሚተገበር ይሆናል፡፡

የፕሮጀክቱ ስጋት

ተጎጂዎች በአዲስ መልክ ለመቋቋም በሚያደርጉት ጥረት ነገሮች በፉጥነት ለመስተካከል ካልቻሉ ሊገጥማቸው የሚችል የስነልቦና ጫና መፈጠሩና ምእመናን ወደ ቀቢጸ ተስፋ ሊያመሩ ወይም የመሰደድ እጣፈንታ ሊደርስባቸው መቻሉ ዋነኛው ስጋት ሲሆን ፖለቲካዊ ግርሻቱ የሚፈጥረው ችግርም የሚጀምሩትን ንግድ በቀላሉ እንዳያድግ ሊደርገው ይችላል፡፡ ስለሆነም ማኀበሩ ከሎሎች ስራዎች ጎን ለጎን የስነልቦናና ትክኒካዊ የሙያ ድጋፍ በማድረግ ችግሩን ለመቋቋም የሚሰራ ይሆናል፡፡

ክትትልና ድጋፍ

ፕሮጅክቱ በሚተገበርበት እና ከትግበራውም በኃላ በማኅበሩ የክትትልና ምዘና ባለሞያዎች የፕሮጅክቱን አጠቃለይ ሂደት፤የተገኘውን ውጤት፡ የተጠቃሚዎችን የለውጥ ሁኔታና መሰል ጉዳዮችን የመከታታልና የድጋፍ ስራ የሚሰራ ይሆናል፡፡ የክክትትልና ምዘና ሪፖርትም ለሚመለከታቸው አካላት በተገቢው ጊዜ የሚያቀርብ ይሆናል፡፡

የፕሮጀክቱ አስተዳዳር

ፕሮጀክቱ በማኅበረ ቅዱሳን የሙያና ማኅበራዊ አገልግሎት ዋና ክፍል እና በተዋቀረው የመልሶ ማቋቋም አብይ ኮሚቴ የሚመራ ይሆናል፡፡ እንደስፈላጊነቱም ኮሚቴው ከዋና ክፍሉና ከማኅበሩ  ጽ/ቤት በሚሰጠው አቅጣጫ ፕሮጅቱን የሚፈጽም ይሆናል፡፡

የፕሮጅክቱ የጊዜ ሠሌዳ

የፕሮጅክቱ ታሳቢ ተጠቃሚዎች የሚገኙበት ሁኔታ እጅግ አፋጣኝ ምላሽ የሚፈልግ ከመሆኑ አንጻር ፕሮጅክቱ በጣም ባጠረ ጊዜ ውስጥ የሚተገበር ይሆናል፡፡

የፕሮጅክቱ አጠቃላይ ወጪ

 ብር 349,277.50

$
Select Payment Method
Personal Info

Credit Card Info
This is a secure SSL encrypted payment.

Donation Total: $50

የመቐለ ደብረ ቅዱሳን አቡነ አረጋዊ ቤተክርስቲያን የአብነት ተማሪዎች ማደሪያ ቤት ግንባታ

የመቐለ ደብረ ቅዱሳን አቡነ አረጋዊ ቤተክርስቲያን የአብነት ተማሪዎች ማደሪያ ቤት ግንባታ

$650 of $91,839 raised

መግቢያ
የኢትዮጵያ ኦርቶዶክስ ተዋሕዶ ቤተ ክርስቲያን 49 አህጉረ ስብከት ያላት ሲሆን፤ በማህበረ ቅዱሳን ቅ/መ/መ/ት/ቤቶች/አ/ማስ በ2003 እና 2004 ዓ.ም. በተሰበሰበዉ መረጃ መሠረት ቤተ ክርስቲያኒቱ ከ2348 በላይ የአብነት ትምህርት ቤቶች እንዳሉ የታወቀ ሲሆን ከእዚህ መካከልም የመቀሌ ደብረ ቅዱሳን አቡነ አረጋዊ አብነት ትምህርት ቤት አንዱ ነው፡፡
በእዚህ የአብነት ትምህርት ቤት ውስጥ 202 ተማሪዎች ሲገኝ 52 የሳር ጎጆዎች አሉ፡፡ በአንድ ጎጆ ከ4-5 ተማሪዎቹ ይኖራሉ ይህም በመሆኑ ተማሪዎች ለተለያዩ በሽታዎች እየተጋለጡ ከሆን በተጨማሪ ዝናብ ሲዘንብ ስለሚያፈስ የሚማሩባቸዉ መፅሐፍት እየተበለሹ ከፍተኛ ችግር ዉስጥ ይገኛሉ፡፡
ይህንን ችግር ለመቅረፍ ማኅበረ ቅዱሳን 3,499,501.74 ብር የሚያወጣ ማደሪያ ቤት ምዕመናንን በማስተባበር ለመግንባት እንቅስቃሴ ላይ ይገኛል፡፡

የፕሮጀክቱ አስፈላጊነት
የመቀሌ ደብረ ቅዱሳን አቡነ አረጋዊ ቤተክርስቲያን የአብነት ትምህርት ቤት ብዙ ሊቃውንትን ያፈራ እያፈራ የሚገኝ የአብነት ትምህርት ቤት ቢሆንም በአብነት ትምህርት ቤቱ ውስጥ ባሉት ችግሮች ማለትም የጉባኤ ቤት፤የማደሪያ ቤት፤የማብሰያ እና መፀዳጃ ቤት ባለመኖር ምክንያት በትምህርት ሥርአቱ ላይ በከፍተኛ ተፅእኖ እያሳደረ ይገኛል፡፡ በመሆኑም የማደሪያ ቤት መገንባት ያስፈለገበት


• የአብነት ትምህርት ቤቱን ህልውና ለመጠበቅ፤
• የተማሪዎችን ቁጥር እንዳይቀንስ ለማድረግ፤
• የተማሪዎችን የትምህርት ጊዜ ቆይታ ለማሳጠር እና ቤተክርስቲያን የሚያገለግሉ ሊቃዉንት በብዛት ለማፍራት ይህን ፕሮጀክት መቅረፅ አስፈላጊ ሆኗል።
የፕሮጀክቱ ግብ እና ዓላማ
የፕሮጀክቱ ግብ
• ዘመኑን የዋጁ የቤተ-ክርስቲያን ሊቃውንትን በማፍራት የቤተክርስቲያን አገልግሎት ቀጣይነት እንዲኖረው ማድረግ::
የፕሮጀክቱ ዓላማ
ለ48 የድጓ እና ለ48 የቅኔ ተማሪዎች 2 ብሎክ የማደሪያ ቤት ይገነባል፡፡
የአብነት ትምህርት ቤት የአሰራር ስርዓት ማዘመን፡፡
የፕሮጀክቱ ይዘት
በመቀሌ ደብረ ቅዱሳን አቡነ አረጋዊ ቤተክርስቲያን የሚተገበረዉ የአብነት ትምህርት ቤት በዋነኛነት
• ግንባታ፡- አንድ ብሎክ 6 ክፍሎች ያሉት ለ48 የድጓ ተማሪዎች እና አንድ ብሎክ 6 ክፍሎች ያሉት ለ48 የቅኔ ተማሪዎች በግቢ ተለይቶ የማደሪያ ቤት ይገነባል፡፡
• የአሰራር ስርዓት መዘርጋት፡- ከተማሪ ቅበላ እስከ ስምሪት ያለዉን አሰራር ያጠቃልላል፡፡
የማደሪያ ቤት ግንባታ
የማደሪያ ቤቱ ለ96 ተማሪዎች ማደሪያ ታስቦ 12 ክፍሎች የሚሰራ ሲሆን እያንዳንዱ ክፍል 20 ካሬ ሜትር ስፋት ሲኖረዉ 8 ተማሪዎች የሚይዝ ይሆናል፡፡ በእያንዳንዱ ክፍሎች 4 ተደራራቢ አልጋ፣ 2 የልብስ ሎከር፣ 1 ጠረጴዛ እና 2 ወንበሮች ይኖሩታል፡፡
የፕሮጀክቱ የትግበራ ቆይታ ጊዜ፡- 1 ዓመት፤
የፕሮጀክቱ ወጪ
የፕሮጀክቱ ጠቅላላ ወጪ ብር 3,499,501.74

$
Select Payment Method
Personal Info

Credit Card Info
This is a secure SSL encrypted payment.

Donation Total: $50

የሳርዶ ማርያም አብነት ትምህርት ቤት ግንባታ ፕሮጀክት

በኢሊባቡር ዞን ሀገረስብከት የሳርዶ ማርያም አብነት ትምህርት ቤት ግንባታ ፕሮጀክት

$26,487 of $50,000 raised

መግቢያ
የኢሉአባቦር ሀገረ ስብከት የሚገኘው ኢሉ አባቦር ዞን በመቱ ከተማ ሲሆን፤ በሀገረ ስብከቱም 372 አብያተ ክርስቲያናት ይገኛሉ፡፡ በሀገረ ስብከቱ ከዚህ ቀደም የተጠናከረ የአብነት ትምህርት ቤት ባለመኖሩ አዲስ የአብነት ትምህርት ቤት የሚቋቋመው በሰሌ ኖኖ ወረዳ ቤተክህነት በሳርዶ ማርያም ቤተ ክርሰቲያን ነው፡፡
ሳርዶ ማርያም ቤተ ክርሰቲያን ከከተማዉ በ5000 ሜትር ርቀት ላይ የሚገኝ ስለሆነ፤ የከተማዉ ነዋሪ ከከተማው ወጣ ያለ እና ፀጥታ ያለው በመሆኑ እንደ ገዳም ቆጥረውት ሱባዔ መያዣ እና ልዩ የፀሎት ቦታ በማድረግ ይጠቀሙበታል፡፡ አብያተ ክርስትያናት ከአገልጋይ ካህናት እጥረት የተነሳ የተሟላ አገልግሎት የማይሰጡ እና ምንም አገልግሎት የማይሰጡና የፈራረሱም ጭምር ያሉበት በመሆኑ የአብነት ትምህርት ቤት መስራት አስፈልጓል፡ በደብሩ የሚቋቋመው የአብነት ትምህርት ቤት ግንባታውም አስፈላጊ የሆኑ ክፍሎችን ሁሉ የሚያካትት ይሆናል፡፡

1. የፕሮጀክቱ አስፈላጊነት
በሀገረ ስብከቱ የአብነት ትምህርት ቤት ማቋቋም ያስፈለገው፡-
• የቤተክርስቲያን ተረካቢ የሚሆኑ የአካባቢውን ልጆች በማስተማር ቀሳውስት እና ዲያቆናትን በሚፈለገው መጠን ለማፍራት እንዲያስችል፣
• የአብነት ትምህርት ቤቱ በየሁለት ዓመቱ ተማሪዎችን ተቀብሎ በማስተማር በሀገረ ስብከቱ በአገልጋይ እጦት ምክንያት የተጓደለውን መንፈሳዊ አገልግሎት እንዲጠናከር እና የተዘጉትን እንዲከፈት ለማድረግ እና
• ለምዕመናኑ በቂ መንፈሳዊ አገልግሎት በመስጠት እና በአካባቢው ቋንቋ ወንጌል በማስተማር ያመኑትን በሃይማኖታቸው ፀንተው እንዲቆዩ ለማድረግ፣ የጠፉትን ለመመለስ እና ያላመኑትን ለማሳመን ከፍተኛ አስተዋፅዖ ስለሚኖረው ይህንን ፕሮጀክት መቅረፅ አስፈላጊ ሆኗል።
ፕሮጀክቱ ግብ
በሀገረ ስብከቱ የአብነት ትምህርት ቤት ግንባታ በማካሄድ ቀሳውስት እና ዲያቆናት በማፍራት የተዘጉ አብያተ ክርስቲያናት እንዲከፈቱ እና የተሟላ መንፈሳዊ አገልግሎት እንዲሰጡ ማድረግ ነው፡፡
1. የፕሮጀክቱ ወጪ
የፕሮጀክቱ ጠቅላላ ወጪ ብር 3,905,204.97 ሲሆን፤ ይህም ብር 2,873,777.41 የካፒታል ወጪ፣ 434,438 ቁሳቁስ ብር 529,375 የሥራ ማስኬጃ ወጪ እና ብር 87,615 የስልጠና ወጪ ይሆናል፡፡ ዝርዝሩ በሚቀጥሉት ሰንጠረዦች ላይ ተመልክቷል፡፡
1.1. ጠቅላላ የፕሮጀክቱ ወጪ

1. የካፒታል ወጪ በብር 2,873,777.41
2. የሥልጠና ወጪ ” 87,615.00
3. ቁሳቁስና ማጓጓዣ ” 434,438
4. ንዑስ ድምር 3,395,830.41
5. አስተዳደሪያዊ ወጪ 15% 509,374.56
6. ጠቅላላ ድምር 3,905,204.97

የፕሮጀክቱ ወጪ፡-
የፕሮጀክቱ ጠቅላላ ወጪ ብር 3,905,204.97
የፕሮጀክቱ የትግበራ ቆይታ ጊዜ፡- አንድ ዓመት
ፕሮጀክቱ አሁን ላይ ያለበት ደረጃ
ይህ ፕሮጀክት አስካሁን ከ2 ሚሊዬን ብር በላይ ወጪ የተደረገበት ሲሆን 65 በመቶ ተጠናቋል

$
Select Payment Method
Personal Info

Credit Card Info
This is a secure SSL encrypted payment.

Donation Total: $50

ይለግሡ – የዲማ ቅዱስ ጊዮርጊስ ገዳም የሐዲሳትና ፍትሐ ነገሥት መጻሕፍት ምስክር ጉባኤ ቤት

ይለግሡ – የዲማ ቅዱስ ጊዮርጊስ ገዳም የሐዲሳትና ፍትሐ ነገሥት መጻሕፍት ምስክር ጉባኤ ቤት

$11,815 of $109,110 raised

መግቢያ

 የአብነት ትምህርት ቤቶች የሚባሉት የኢትዮጵያ ኦርቶዶክስ ተዋሕዶ ቤተክርስቲያን ሐዋርያዊ ተልእኮዋንና ሥርዐተ አምልኮዋን የሚፈጽሙ ካህናት (ዲያቆናት፣ቀሳዉስትና ኤጲስ ቆጶሳት) እና ሊቃዉንትን የሚፈሩበት የትምህርት፣ የሥልጠና እና የምርምር ተቋማት ናቸው፡፡ በእነዚህ ተቋማትም የንባብ፣ የዜማ፣ የአቋቋም፣ የቅኔ፣ የትርጓሜ መጻሕፍትና የቁጥር /አቡሻኸር/ ወዘተ ትምህርቶች ይሰጥባቸዋል፡፡ በኢትዮጵያ ኦርቶዶክስ ተዋሕዶ ቤተ ክርስቲያን ታሪክ የአብነት ትምህርት ወደ አዲስና ታላቅ ምዕራፍ የተሸጋገረዉ 6ተኛው ክ/ዘ በተነሣዉና የመጻሕፍትና የዜማ ደራሲ በሆነው በታላቁ ሊቅ ቅዱሰ ያሬድ አማካኝነት ነዉ፡፡ ከ12ኛው እስከ 15ተኛው ክ/ዘ የነበረዉ ዘመን ሊቃዉንተ ቤተክርስቲያን በብዛት የተነሱበትና መጻሕፍትም የተጻፉበት ዘመን የነበረ ሲሆን ከግራኝ ዘመን በኀዋላ ዳግም የአብነት ትምህርት ቤቶች የተስፋፉት በ17ኛው ክ/ዘመን ነበር፡፡

የአብነት ትምህርት ቤቶች በተለይም ከ20ኛው መቶ ክፍለ ዘመን በፊት ሰዎች ማንበብ፣ መጻፍ፣ ስዕል፣ቅርጻ-ቅርጽ፣ምህንድስና፣ ፍልስፍና፣ ታሪክ፣ ሕግ፣አስተዳደር፣ ሕክምናና ሌሎች ጥበባትን የሚማሩት ከአብነት ት/ቤቶች ነበር፡፡ ከእነዚህ ትምህርት ቤቶች በተገኘው ተዳሳሽና የማይዳስሱ የፈጠራና የኪነጥበብ ዉጤቶች ለቤተክርስቲያን ብቻ ሳይሆን ለሀገራችንም ጭምር አማራጭ የገቢ ምንጭና የመልካም ገጽታ ግንባታ ማዕከላት ሆነዉ በማገልገል ላይ ይገኛሉ፡፡ የአብነት ትምህርት ቤቶች የቤተ ክርስቲያኒቱ ትምህርት ሳይበረዝና ሳይከለስ ከትውልድ ወደ ትውልድ እንዲሸጋገር በማድረግ እንዲሁም ለቤተ ክርስቲያን ህልውናና ለምእመናን ተገቢውን መንፈሳዊ አገልግሎት ለመስጠት ወሳኝ ሚና አላቸዉ፡፡

በማኅበረ ቅዱሳን በ2003/4 ዓ.ም. በተሰበሰበዉ መረጃ መሠረት ቤተ ክርስቲያኒቱ ከ2348 በላይ የአብነት ትምህርት ቤቶች አሉ፡፡ ከአነዚህ መካከል አንዱ የዲማ ቅዱስ ጎዮርጊስ ጉባኤ ቤት ነው፡፡ በመሆኑም ተተኪ የቤተ ክርስቲያን አገልጋዮችን ለማፍራት የአብነት ትምህርት ቤቶችን በማጠናከር አስፈላጊ ሆኗል፡፡

  1. የዲማ ቅዱስ ጊዮርጊስ አብነት /ቤት መረጃ

የዲማ ቅዱስ ጊዮርጊስ ገዳም የተመሰረተዉ በ1297 ዓ.ም በአፄ አምደፅዮን ዘመነ መንግሥት ሲሆን የመሠረቱትም አባ በኪሞስ (አባ ተከስተ ብርሃን) ነው፡፡ ገዳሙ በምስራቅ ጎጃም ገረ ስብከት በቢቸና ወረዳ ከአዲስ አበባ በ265 ኪ/ሜ ርቀት ላይ ይገኛል፡፡ ገዳሙ ከተመሰረተበት ጊዜ ጀምሮ እስከአሁን ድረስ 78 መምህራን በአበምኔትነት አገልግለዉታል፡፡ በገዳሙ 7 ጉባኤ ቤቶች ማለትም የንባብና ቁጥር ትምህርት ቤት ፣የቅዳሴ ትምህርት፣ የድጓ ትምህርት ቤት ፣ የአቋቋም ትምህርት ቤት፣ የሐዲሳትና ፍትሐ ነገስት ትምህርት ቤት፣ የቅኔ ትምህርት ቤት፣ የቅዳሴ ትምህርት ቤት የሚገኙ ሲሆን የቅኔ ጉባኤ ቤት መምህርት ሴት መነኮስ ናቸው፡፡ በአጠቃላይ በ7ቱ ጉባኤ ቤቶች 330 ተማሪዎች ይገኛሉ፡፡ ከእነዚህ 300 ወንዶች ሲሆኑ 30 ደግሞ ሴቶች ናቸዉ፡፡

አብዛኛው ተማሪዎች በእንተ ስማ ለማርያም በማለት ለምነዉ እና የቀን ሥራ በመሥራት የዕለት እንጀራቸውን የሚያገኙ ሲሆን ማኅበረ ቅዱሳን ለ65 ተማሪዎች እና 4 መምህራን ለምግብ  ወርኃዊ የገንዘብ ድጎማ ያደርጋል፡፡

  1. የፕሮጀክቱ አስፈላጊነት 

የኢትዮጵያ ኦርቶዶክስ ቤተክርስቲያን በረጅም ዘመን ታሪኳ ውስጥ ለምዕመናን እምነትና ስርዓት የጠበቀ አገልግሎት እንድትሰጥ ከትውልድ ትውልድ ቀጣይ እንድትሆን ጉልህ ሚና ከተጫወቱት መካከል የሊቃውንት መፍለቂያ የሆኑት የአብነት ትምህርት ቤቶች ዋነኛ ተጠቃሽ ናቸው:: ምንም እንኳን ዘመናት በተቀያየሩ ቁጥር የአብነት ትምህርት ቤቶች ቁጥርና የሚሰጡት የትምህርት ዓይነት በተለያዩ ውስጣዊና ውጫዊ ችግሮች እንዲሁም ሀገር አቀፋዊና ዓለም አቀፋዊ ሁኔታዎች እየቀነሰ ቢመጣም ዛሬም በተለያየ ቦታ የጥንቱን ትውፊትና ስርዓት ጠብቀው ትምህርቱ ከሚሰጥባቸው ቦታዎች በጥንታዊነቱ እና ቀዳሚነቱ አንዱ የሆነዉ ዲማ ቅዱስ ጊዮርጊስ ቤተክርስቲያን አንዱ ነው፡፡ ነገር ግን ጉባኤ ቤቱ በሙሉ ተተኪ የቤተ ክርስቲያን አገልጋጦችን የጥንት ሥርዐቱን ሳይለቅና ዘመኑን በዋጀ መሊኩ ለማፍራት እንዲቻል በትምሀርት ቤቱ የሚስተዋሉ መሰናክሎችን መቀነስ ብሎም ማስተካከል ያስፈልጋል፡፡ በዋናነትም የማደሪያ ቤት፣ የጉባኤ ቤት (የመማሪያ ቤት)፣ የማብሰያ፣ የቤተ መጻሕፍትና የመማሪያ መጻሕፍት፣ የመጸዳጃ፣ የቀለብና የንጹሕ ውኃ፣ የት/ቤቱ ችግሮች ናቸው፡፡

በአጠቃላይ በአብነት ትምህርት ቤቱ ባሉት ችግሮች ምክንያት በመማር ማስተማር ሂደቱ ላይ ከፍተኛ ተፅእኖ እያሳደረ ቢገኝም ይህ ችግር ተቋቁመው እየተማሩ ይገኛሉ፡፡ ነገር ግን በወቅቱ ዘለቄታዊ መፍትሄ ካልተሰጠው በቀጣይ የተማሪዎች ቁጥርና የትምህርት ቤቱን ህልውና ላይ ከፍተኛ ተፅእኖ ያሳድራል፡፡ ስለሆነም የትምህርት ቤቱ መጠናከር በአጠቃላይ ለቤተክርስቲያን የሚሰጠውን ጠቀሜታ ግምት ውስጥ በማስገባት እና ከትምህርት ቤቱ ተምረው የሚወጡ ተማሪዎች በሀገራችን በሚገኙ አድባራትና ገዳማት አገልግሎቱ ቀጣይነት እንዲኖረዉ ወሳኝ በመሆኑ ይህን ፕሮጀክት መቅረፅ አስፈላጊ ይሆናል::

  1. የፕሮጀክቱ ግብና ዓላማ

የፕሮጀክቱ ግብ ዘመኑን የዋጁ ተተኪ የቤተክርስቲያን ሊቃውንትን በማፍራት የቤተ ክርስቲያን አገልግሎት ቀጣይነት እንዲኖረው ማድረግ፡፡

የፕሮጀክቱ ዓላማዎች

  • በአንድ ዓመት ጊዜ ውስጥ ለ40 ሐዲሳት እና ፍትሐ ነገስት ተማሪዎች የማደሪያ ቤት ፣ የመማሪያ ቤት እና ቤተመጽሐፍ ግንባታ በማካሄድ አገልግሎት እንዲያገኙ ማድረግ፡፡
  • ሥልጠናና የአሰራር ስርዓት ማዘመን
    1. የፕሮጀክቱ ተጠቃሚዎች

በዚህ ፕሮጀክት የአብነት ተማሪዎች እና መምህራን ቀጥተኛ ተጠቃሚዎች ሲሆኑ ምእመናን እና ገዳሙ ደግሞ ቀጥተኛ ያልሆኑ ተጠቃሚዎች ይሆናሉ::

  1. ፕሮጀክቱ ይዘት

በዲማ ቅዱስ ጊዮርጊስ ገዳም የሚተገበረዉ የአብነት ት/ቤት ፕሮጀክት በዋናነት ግንባታ፣ስልጠና የአሰራር ስርዓት ማዘመን ያካትታል፡፡

. የማደሪያ ቤት ግንባታ

የማደሪያ ቤቱ ለ40 መጻሕፍት ተማሪዎች ማደሪያ ታስቦ የሚሠራ ሲሆን ፤እያንዳንዱ ክፍል ስፋቱ 4ሜ በ 5ሜ (20 ካሬ ሜትር) የሆነ እና 5 ክፍሎች ያለዉ እያንዳንዱ ክፍል 8 ተማሪዎች የሚይዝ እና አጠቃላይ 40 ተማሪ የሚይዝ ማደሪያ ቤት ይሠራል፡፡ በእያንዳንዱ ክፍሎች 4 ተደራራቢ አልጋ፣ 2 የልብስ ሎከር፣ 1 ጠረጴዛ እና 2 ወንበሮች ይኖሩታል፡፡

. የጉባኤ ቤት እና ቤተ መጽሐፍ ግንባታ       

የመጽሐፍ ቤቱ ከጉባኤ ቤቱ ጋር ተያይዞ የሚሰራ ሆኖ በመካከል ግድግዳ ተሰርቶለት በዉስጥ ክፍል የሚለያይ ይሆናል፡፡ የጉባኤ ቤቱና ቤተ መጽሐፉ ለሐዲሳት እና ፍትሐ ነገስት ተማሪዎች ማስተማሪያ ታስቦ የሚሠራ ሲሆን ስፋታቸዉ እኩል ሆኖ የሁለቱም አጠቃላይ ስፋት 175.2 ካሬ ሜትር ስፋት ያለዉ ቤት የሚገነባ ይሆናል፡፡ የጉባኤ ቤቱና መፅሐፍት ቤቱ በአንድ ጊዜ ከ40 በላይ ተማሪዎችን የሚያስተናግድ አራት መዓዘን የሆነ ሁለት ክፍል ይሰራል፡፡ ጉባኤ ቤት ከመማሪያነት በተጨማሪ በተለያዩ ጊዜያት የማኅበር ፀሎት እና የጽዋ መርሐ ግብር አገልግሎት የሚሰጥ ይሆናል፡፡

. የቁሳቁሶች ግዥ

ለአብነት ትምህርት ቤቱ የሚያስፈልጉ ቁሳቁሶች ማለትም ጠረጴዛ ፤የመምህሩ ወንበር እና የአብነት ተማሪዎች የሚቀመጡበት ድጋፍ አግዳሚ ወንበር ይገዛሉ፡፡ ለመምህራን ማረፊያ ቤት አንድ 1.20ሜX0.70ሜ የሆነ ጠረጴዛና አንድ ወንበር ይኖረዋል፡፡

. ሥልጠና  መስጠት

ለአብነት ትምህርት ቤቱ ተማሪዎች ፣ መምህራን እና አስተዳደር አካላት እንዲሁም ኮሚቴዎች የማስፈፀም አቅም ለማሳደግ እና አብነት ትምህርት ቤቱን ለማጠናከር የስልጠና ፍላጎት ዳሰሳ ጥናት ማድረግ የደረጃ አንድና ደረጃ 2 ሥልጠናዎች የሚሰጡ ይሆናል፡፡

  1. የፕሮጀክቱ የወጪ ገንዘብ ምንጭ

የገንዘብ ምንጩም የማኅበረ ቅዱሳን ዋናው ማዕከል፣ከሀገር ውስጥና በውጭ ማእከል የሚገኙ ምእመናንን በማስተባበር የሚተገበር ሲሆን ጠቅላላ ብር 3,500,000 ያስፈልገዋል፡፡

. የፕሮጀክት ወጪ ዓይነት ወጪ (በብር) ምርመራ
1 የግንባታ ወጪ 2,515,590.00
  • የተማሪዎች ማደሪያ ቤት ግንባታ
1,268,115.63
  •  የጉባኤ ቤት እና ቤተ መፅሐፍት ግንባታ
921,451.71
2 የቁሳቁስ ወጪ 483,566.30
  •   የቤተ መጻሕፍ ቁሳቁስ
116,422.45
  • የጉባኤ እና ማደሪያ ቤት ቁሳቁስ (ቋሚ ዕቃ ግዥ)
367,143.85
3 የስልጠና ወጪ 354,268.93
4 የአሰራር ስርዓት ማዘመን ወጪ 146,574.77
ጠቅላላ የፕሮጀክት ወጪ 3,500,000.00

  የፕሮጀክቱ ጊዜ

ፕሮጀክቱ ግንባታ በአንድ ዓመት ጊዜ ውስጥ የሚጠናቀቅ ሲሆን ሥልጠናዎችና ሥርዐቱን ማጠናከር በየጊዜው የሚሰጥ ይሆናል፡፡

  1. የተግባሪው ተቋም መረጃ

ማኅበረ ቅዱሳን በቅዱስ ሲኖዶስ ፈቃድ ከተመሠረተ ከ1984 ዓ.ም ጀምሮ ለቅድስት ቤተክርስቲያን ከፍተኛ አገልግሎት እየሰጠ ይገኛል፡፡ ማህበሩ በየጊዜዉ የአገልግሎት አድማሱን ለማስፋት ይረዳዉ ዘንድ በመላ ሀገሪቱ እና በዓለም ዙሪያ መዋቅሩን በመዘርጋት ዘርፈ ብዙ መንፈሳዊ አገልግሎት በመስጠት ሲሆን በዚህ መሰረት በሀገር ዉስጥ እና በዉጪ ሀገር 52 ማዕከላት 448 ወረዳ/ንዑስ ማዕከላትና 218 ግንኙነት ጣቢያዎች ፣450 ግቢ ጉባዔያት ይዞ አገልግሎት እየሰጠ ይገኛል፡፡ ማኅበሩ ካሉት የአገልግሎት ዘርፎች አንዱ የቅዱሳት መካናት መንፈሳዊ ት/ቤቶች አገልግሎት ማስተባበሪያ ሲሆን በገዳማት፣ በአድባራትና በአብነት ትምህርት ቤቶች ላይ ትኩረት አድርጎ እየሠራ ይገኛል፡፡ ይህ ክፍል እንደ አንድ የአገልግሎት ዘርፍ ከተቋቋመበት ከ1993 ዓ.ም ጀምሮ እስከ አሁን ባሳለፋቸው 18 ዓመታት ውስጥ ከ130 በላይ ፕሮጀክቶችን ተግባራዊ የአደረገ ሲሆን የተተገበሩ ፕሮጀክቶችም ቤተ ክርስቲያን ጠተቃሚ አድርጓል፡፡ ለ186 የአብነት ትምህርት ቤት፣ 226 የአብነት ትምህርት ቤት መምህራን፣ 1,716 የአብነት ትምህርት ቤት ተማሪዎች፣ እና አራት የአብነት ትምህርት ቤት አስተባባሪዎች በየወሩ ድጎማ በማድረግ የአብነት ትምህር ቤቱ ማስተማሩን እንዲቀጥል እያደረገ ሲሆን፤ አዲስ የአብነት ትምህርት ቤቶችንም እያቋቋመ ይገኛል፡፡ ከዚህ በተጨማሪ ገዳማት፣ አደባራትንና የአብነት ትምህርት ቤቶች ያሉበትን ሁኔታ ለምእመናን በሰፊው እያስተዋወቀ ይገኛል፡፡

አብረን እንሥራ ለውጥም እናመጣለን !

በሀገር ውስጥ ድጋፍ ማድረግ ለምትፈልጉ ምዕመናን የሚከተሉትን አካውንቶች መጠቀም ትችላላችሁ፡፡
ኢትዮጵያ ንግድ ባንክ፡  1000003778828
ወጋገን ባንክ ፡  429211/S01/953

 

$
Select Payment Method
Personal Info

Credit Card Info
This is a secure SSL encrypted payment.

Donation Total: $50