Author Archive for: ayitenew

የአፋር ሃገረ ስብከት በኢትዮጵያ ጠረፋማና በረሃማ አካባቢ የሚገኝ፣ ለውጪ ኃይሎች ጦርነትና ለሃይማኖት ወረራ በይበልጥ
የተጋለጠ በመሆኑ ክርስትና እንደሌሎቹ ከፍተኛ አካባቢዎች (Highland Areas) የተስፋፋበት አይደለም፡፡ በሃገረ ስብከቱ የሚገኙት
አብያተ ክርስቲያናትም በብዙ ውጣ ውረድ የተመሠረቱና በእስልምና እምነት ተከታዮችና በአረማውያን የተከበቡ በመሆናቸው ለበርካታ ችግሮች
የተጋለጡ ናቸው፡፡ ከዚህም በተጨማሪ የምዕመኖቻቸው ቁጥር አነስተኛ በመሆኑ ገቢያቸው አነስተኛ ነው፣ ከዚሁ ጋር ተያይዞ ደግሞ አደረጃጀታቸው
ደካማ የሚባል ነው፡፡ በዚህ የተነሣ ያሏቸውን ጥቂት ምዕመናን በአግባቡ የማስተዳደር፣ የሚፈለግባቸውን አገልግሎት በተሟላ ሁኔታ
የመፈፀም ደረጃ ላይ የደረሱ አይደሉም፡፡ የኢትዮጵያ ኦርቶዶክስ ተዋሕዶ ቤተ ክርስቲያን ከ1951 ዓ.ም. ጀምሮ በራሷ ፓትርያርክ
መመራት ከጀመረች ወዲህ በርካታ ጳጳሳትን በመሾም፣ አብያተ ክርስቲያናትን በመትከል፣ አህጉረ ስብከቶችን በማቋቋም፣ ሰባኪያነ ወንጌልን
በማሰልጠንና በማሰማራት የስብከተ ወንጌልን ማጠናከር ችላለች፡፡ በአገር ውስጥ ከሚገኙት በርካታ አህጉረ ስብከቶች መካከልም አንዱ
በ1987 ዓ.ም የተቋቋመው የአፋር ሃገረ ስብከት ነው፡፡ ይህ ሃገረ ስብከት ቀድሞ በደቡብ ወሎ፣ በምዕራብ ሐረርጌ እና በትግራይ፣
ምስራቅና ሰሜን ሸዋ አህጉረ ስብከት ሲካለሉ የቆዩ ቦታዎችን የያዘ ሲሆን በተለያዩ ዘመናት የተነሡ ቅዱሳን አበው ተዘዋውረው እንዳስተማሩበት
የጽሑፍ ማስረጃዎች ያስረዳሉ፡፡

ይህ ፕሮጀክት በአንድ ዓመት ጊዜ ውስጥ 40 የአብነት ተማሪዎችን ተቀብሎ ማስተማር የሚያስችል የአብነት ትምህርት ቤት መገንባት ፣
በየሁለት ዓመቱ 40 የአብነት ተማሪዎች ከአብነት ትምህርቱ (ቅስና እና ድቁና) ጎን ለጎን መሰረታዊ ትምህርተ ሀይማኖት እና የስብከት ዘዴን ማስተማር፣እና
በየሁለት ዓመቱ ዘመኑን የዋጁ 40 የአብነት ተማሪዎችን አስተምሮ ማብቃት የሚሉ ዓላማዎች አሉት፡፡