የደብረ ፀሐይ አቡነ ተክለ ሃይማኖት ቤተ ክርስቲያን የአብነት ትምህርት ቤት

በከምባታ ጠምባሮ እና ሀላባ ሀገረ ስብከት የደብረ ፀሐይ አቡነ ተክለ ሃይማኖት ቤተ ክርስቲያን የአብነት ትምህርት ቤት ፕሮጀክት

$182 of $114,286 raised

https://www.youtube.com/watch?v=hWh_qQfPAIg

የፕሮጀክቱ አስፈላጊነት፡-

በሀገረ ስብከቱ የአብነት ትምህርት ቤት ማቋቋም ያስፈለገው፡-

  • የቤተክርስቲያን ተረካቢ የሚሆኑ የአካባቢውን ልጆች በማስተማር ቀሳውስት እና ዲያቆናትን በሚፈለገው መጠን ለማፍራት ያስችላል፣
  • የአብነት ትምህርት ቤቱ በየሁለት ዓመቱ ተማሪዎችን ተቀብሎ በማስተማር በሀገረ ስብከቱ በአገልጋይ እጦት ምክንያት የተጓደለውን መንፈሳዊ አገልግሎት እንዲጠናከር እና የተዘጉትን እንዲከፈቱ ያደርጋል፣
  • ለምዕመናኑ በቂ መንፈሳዊ አገልግሎት በመስጠት እና በአካባቢው ቋንቋ ወንጌል በማስተማር ያመኑትን በሃይማኖታቸው ፀንተው እንዲቆዩ ለማድረግ፣ የጠፉትን ለመመለስ እና ያላመኑትን ለማሳመን ከፍተኛ አስተዋፅዖ ስለሚኖረው ይህንን ፕሮጀክት መቅረፅ አስፈላጊ ሆኗል፡፡

የፕሮጀክቱ ግብና አላማ፡-

ግብ

በሀገረ ስብከቱ የአብነት ትምህርት ቤት ግንባታ በማካሄድ ቀሳውስት እና ዲያቆናት በማፍራት የተዘጉ አብያተ ክርስቲያናት እንዲከፈቱ እና የተሟላ መንፈሳዊ አገልግሎት እንዲሰጡ ማድረግ ነው፡፡

ዓላማ

  • በአንድ ዓመት ጊዜ ውስጥ 40 የአብነት ተማሪዎችን ተቀብሎ ማስተማር የሚያስችል የአብነት ትምህርት ቤት መገንባት ፣
  • በየሁለት ዓመቱ 40 የአብነት ተማሪዎች ከአብነት ትምህርቱ (ቅስና እና ድቁና) ጎን ለጎን መሰረታዊ ትምህርተ ሃይማኖት እና የስብከት ዘዴን ማስተማር፣
  • በየሁለት ዓመቱ ዘመኑን የዋጁ 40 የአብነት ተማሪዎች አስተምሮ ማብቃት፡፡

 የፕሮጀክቱ ተጠቃሚዎች፡-

በዚህ ፕሮጀክት የአብነት ተማሪዎች ፣ መምህራን ፤ በሀገረ ስብከቱ ስር የሚገኙ ወረዳ ቤተክህነቶች፣ አብያተ ክርስቲያናት እና ምእመናን ቀጥተኛ ተጠቃሚዎች ሲሆኑ ፤ በአካባቢ የሚኖሩ ማህበረሰቦች ቀጥተኛ ያልሆኑ ተጠቃሚዎች ናቸው፡፡

የፕሮጀክቱ ይዘት፡-

የጉባኤ ቤት /የመማሪያ ክፍል/ ግንባታ

  • የጉባኤ ቤቱ ክብ (ባለ ስድስት ጎን) እና ስፋቱ 40 ካሬ ሜትር ዙሪያው በብሎኬት የሚሰራ ሲሆን፣ በአንድ ጊዜ 40 ተማሪዎችን ማስተናግድ የሚችል ይሆናል፡፡ የመማሪያ ክፍሉ መቀመጫዎች በድንጋይ ተገንብተው በሲሚንቶ የሚተኮሱ ናቸው፡፡

የማደሪያ ቤት ግንባታ

  • የማደሪያ ቤቱ ለተማሪዎች እና ለመምህራን ማደሪያ ታስቦ የሚሰራ ነው፡፡ የተማሪዎች ማደሪያ ቤት 5 ክፍሎች ሲኖሩት፤ የእያንዳንዱ ክፍል ስፋት 21 ካሬ ሜትር ሆኖ 8 ተማሪዎችን የሚይዝ ነው፡፡ በእያንዳንዱ ክፍል ውስጥም 4 ተደራራቢ አልጋ፣ 2 የልብስ ሎከር፣ 1 ጠረጴዛ እና 2 ወንበሮች ይኖራል፡፡ ለመምህራን ማደሪያ የሚሰራው 2 ክፍሎች ሲሆኑ፤ የእያንዳንዱ ክፍል ስፋት 9 ካሬ ሜትር ይሆናል፡፡ በእያንዳንዱ ክፍል ውስጥም 1 አልጋ፣1ጠረጴዛ እና 1 ወንበር ይኖራል፡፡

የመመገቢያ አዳራሽ ቤት ግንባታ

  • የመመገቢያ አዳራሹ በአንድ ጊዜ 60 ተማሪዎችን የሚያስተናግድ ሆኖ የሚሰራ ሲሆን፤ አጠቃላይ ስፋቱ 52 ካሬ ሜትር ነው፡፡ በአዳራሹ ውስጥም 15 ጠረጴዛ (አንዱ 4 ተማሪዎች የሚይዝ) እና 60 ወንበር ይኖሩታል፡፡

የማብሰያ እና ዕቃ ማስቀመጫ ቤት ግንባታ

  • ለተማሪዎቹ የሚሰራው ማብሰያ ቤት እና ዕቃ ማስቀመጫ ቤት እንደ ቅድመ ተከተላቸው 24.45 እና 12.07 ካሬ ሜትር የሆነ እና አብሮ ተያይዞ የሚሰራ ይሆናል፡፡ ጣሪያው ጢስ መውጫ እንዲኖረው ተደርጎ የሚሰራ እና እንዲሁም ግድግዳው እና ጣራው በሚገናኝበት ቦታ ላይ ክፍተት የሚኖረው ይሆናል፡፡

የመጸዳጃ ቤት እና የገላ መታጠቢያ ቤት እና ልብስ ማጠቢያ ግንባታ

  • ለተማሪዎቹ የሚሰራው የመጸዳጃ ቤት እና የገላ መታጠቢያ እያንዳንዳቸው 4 ክፍሎች ያላቸው ሲሆን፤ ከዚሁ ጋር ተያይዞ 5 ልብስ ማጠቢያ የሚሰራ ነው፡፡ አጠቃላይ ስፋቱም 20.02 ካሬ ሜትር ይሆናል፡፡

የውስጥ ቁሳቁሶች ግዥ

  • ለጉባኤ ቤቱ የመምህሩ መቀመጫ ወንበር ግዥ ይካሄዳል፡፡
  • ለተማሪዎች ማደሪያ ቤት 20 ተደራራቢ አልጋ፣ 10 ሎከር፣ 5 ጠረጴዛ እና 10 ወንበር ግዥ ይካሄዳል፡፡
  • ለመምህራን ማረፊያ ክፍል 2 አልጋዎች፣ 2 ጠረጴዛ እና 2 ወንበር ግዥ ይካሄዳል፡፡
  • ለማብሰያ ቤት የሚያገለግሉ ዕቃዎች ግዥ የሚፈፀም ሲሆን፤ የዕቃ መደርደሪያ በአካባቢው ቁሳቁስ በባለሙያ ሊሰራ ይችላል፡፡

ስልጠና መስጠት

  • የአብነት ትምህርት ቤቱ ተገንብቶ እና ተማሪዎች ገብተው መማር ሲጀምሩ ዘመኑን የዋጁ  አገልጋዮችን  ለማፍራት  ከትምህርታቸው ጎን  ለጎን  ስልጠና ይሰጣቸዋል፡፡ ስልጠናው በአመት 3 ጊዜ በተከታታይ ለ4 ዓመታት የሚሰጥ ሲሆን፤ የሚያካትተው ትምህርተ ሃይማኖት፣ ትምህርተ ኖሎት፣ የአስተዳደር፣ የፋይናንስ እና የተግባቦት ስልጠና ነው፡፡

የፕሮጀክቱ ወጪ፡-

  • የፕሮጀክቱ ጠቅላላ ወጪ ብር 3,200,000.00 (~$114,286)

የፕሮጀክቱ የትግበራ ቆይታ ጊዜ፡- አንድ ዓመት

$
 
Select Payment Method
Personal Info

Credit Card Info
This is a secure SSL encrypted payment.

Donation Total: $50 One Time