የስብከት ኬላ (መካነ ስብከት) አዳራሽ ሥራ

ሕንጻ ቤተክርስቲያን በሌሉባቸው አካባቢዎች አዳዲስ አማንያንን በጥምቀት የሥላሴን ልጅነት እንዲያገኙ ትምህርተ ኃይማኖት የሚማሩበት የሚሰባሰቡበት፣ የሚጸልዩበትና እርስ በእርስ የሚመካከሩበት 5 የስብከት ኬላ አዳራሾችን መስራትና ለአገልግሎት ማብቃት

ለአዳዲስ አማንያን ሥርዓተ ጥምቀት ማስፈጸሚያ (ክርስትና ማስነሽያ)

የቅድስት ቤተ ክርስቲያናችንን ትምህርተ ሃይማኖት ተምረው ላመኑ 50,000 አዳዲስ አማንያን ሥርዓተ ጥምቀት በመፈጸም የቤተ-ክርስቲያን አባላት ለማድረግ የክርስትና ማንሽያ ነጠላ፣የአንገት ማተብና መስቀል ማሟላት፣ መስተንግዶ እና ትራንስፖርት በማቅረብ ሥርዓተ ጥምቀቱን መፈጸም

የጎንደር ደብረ መድኃኒት ዐቢየ እግዚእ ኪዳነ ምህረት የመጻሕፍት ትርጓሜ ጉባኤ ቤት

በአብነት ት/ቤቱ ያለውን የማደሪያ ቤት፣ የጉባኤ ቤት፣ የቤተ መጻሕፍት እና የሥልጠና ቦታ ችግሮችን ለመፍታት የሚያስችል ባለ 2 ወለል ሕንጻ መገንባት፡ ከትምህርቱ ጎን ለጎን ልዩ ልዩ ሥልጠናዎች በመስጠት በሁለተናዊ መልኩ ብቁ እንዲሆኑ ማድረግ

የስብከተ ወንጌል አገልግሎቱን ተደራሽ የሚያደርጉ አዳዲስ ሰባክያነ ወንጌል ሥልጠና

በተለያዩ ገጠራማና ጠረፋማ አካባቢዎች የስብከተ ወንጌል አገልግሎትን ተደራሽ በማድረግ አዳዲስ አማንያንን ለማስተማርና ለማስጠመቅ፣ ምእመናንን በምግባር በሃይማኖት ለማጽናትና የጠፉትን ለመመለስ የሚያገልግሉ 1000 ሰባክያነ ወንጌል ማሰልጠን

ዜና ገዳማት

የመስከረም ወር 2015 ዓ.ም. ዜና ገዳማት

የነሐሴ ወር 2014 ዓ.ም. ዜና ገዳማት

የሐምሌ ወር 2014 ዓ.ም. ዜና ገዳማት

ግብረ ሐዋርያት

ሌሎችም ይህን ማድረግ ይችላሉ

በነፃ የተሰጠንን በነፃ እንሰጣለን

በዛፍ ጥላ ሥር የተጀመረው የማሌ በረሃ አገልግሎት

የተጠናቀቁ ፕሮጀክቶች

ስለ ማኅበረ ቅዱሳን መሰረታዊ መረጃዎች

ስያሜ


ማኅበረ ቅዱሳን እግዚአብሔር ያከበራቸው የነቢያት፣ የሐዋርያት፣ የጻድቃንና የሰማዕታት በአጠቃላይ የቅዱሳን ገድል፣ ትሩፋትና አማላጅነት የሚዘከርበት በመሆኑ ‹‹ማኅበረ ቅዱሳን›› የሚል ስያሜውን አግኝቷል፡፡

የማኅበሩ ርእይ


የኢትዮጵያ ኦርቶዶክስ ተዋሕዶ ቤተ ክርስቲያን በመንፈሳዊ አገልግሎትና ኢኮኖሚያዊ አቅም ተጠናክሮ የጌታችን የመድኃኒታችን የኢየሱስ ክርስቶስ ትምህርተ ወንጌል በመላው ዓለም ተስፋፍቶ በሃይማኖት ጽኑዓን የሆኑ ምእመናን በመላው ዓለም በዝተው ማየት፡፡

ተልእኮ


ማኅበሩ የሳይንስና ቴክኖሎጂ ውጤት የሆኑትን የተለያዩ ትምህርተ ሃይማኖት ማስፋፊያ ዘዴዎችን በመጠቀም ግቢ ጉባኤያትና ምእመናን የወንጌልን ትምህርት፣ ሥርዓት፣ ትውፊት፣ እንዲያቆዩና እንዲጠበቁ የኢትዮጵያ ኦርቶዶክስ ተዋሕዶ ቤተ ክርስቲያን አስተዳደራዊ መዋቅር እንዲጠናከር አቅሙ እንዲያድግ ማድረግና በየዘመኑ የሚከሰቱ ተለዋዋጭ ሃይማኖታዊ፣ ማኅበራዊ፣ ኢኮኖሚያዊና ፖለቲካዊ ችግሮች በመቃኘት የቤተ ክርስቲያኒቱን ሐዋርያዊ አገልግሎት ማጠናከር፡፡

አስፈላጊነት


የቤተ ክርስቲያቱ መዋቅር ያልሸፈነችውን ክፍተቶች በመሙላት ወደ ከፍተኛ የትምህርት ተቋማ የሚገቡትን የዘመኑን ትውልድ ከመንፈሳዊነትና ከቅድስት ቤተ ክርስቲያን ትምህርት ጋር በማዋሐድና ከአበው በማቀራረብ ቤተ ክርስቲያን የምትጠብቅበትን ድርሻ እንድንወጣ ለማድረግ የማኅበረ ቅዱሳን አገልግሎት አስፈላጊ ነው፡፡

ዓላማ


ማኅበሩ ከዚህ ቀጥሎ የተዘረዘሩትን ዐበይት ዓላማች አሉት፡፡

    • በከፍተኛ ትምህርት ተቋማት ውስጥ የሚማሩ ወጣቶችን በማኅበሩ ሥር አደራጅቶ የኢትዮጵያ ኦርቶዶክስ ተዋሕዶ ቤተ ክርስቲያንን እምነት፣ ሥርዓት እና ትውፊት እንዲማሩ እና የአባቶች ተተኪ እንዲሆኑ ማድረግ፣
    • የቤተክርስቲያን እምነትና ሥርዓት ሳይለውጥ ተጠብቆ ከትውልድ ወደ ትውልድ እንዲተላለፍ ለማድረግ ይቻል ዘንድ ለዘመኑ ትውልድ ትምህርተ ሃይማኖት እንዲዳረስ ማድረግ፣
    • ከሚመለከታቸው የቤተ ክርስቲያኒቱ አካላት ጋር በመነጋገርና በማስፈቀድ ትምህርተ ወንጌልን በተለያዩ ዘዴዎች በመጽሔት፣ በጋዜጣ፣ በበራሪ ጽሑፎች፣ በካሴት እና በመሳሰሉት እንዲስፋፋ ማድረግ፣
    • የተማረው የኅብረተሰብ ክፍል የኢትዮጵያ ኦርቶዶክስ ተዋሕዶ ቤተ ክርስቲያንን በገንዘብ፣ በዕውቀቱና በጉልበቱ እንዲያገለግል አስፈላጊውን ሁሉ ማመቻቸት፣
    • ስለ ኦርቶዶክሳዊት ተዋሕዶ ቤተ ክርስቲያን ጥናት የሚያደርጉ ሰዎችን በተለይ ወጣት ምሁራንን ማበረታታና በሚቻለው ሁሉ መርዳት፡፡

አቋም


በማንኛውም የፖለቲካ እንቅስቃሴ ውስጥ ምንም ዓይነት ጣልቃ ገብነት የለውም፡፡

አመሠራረት


ስለ ማኅበረ ቅዱሳን አመሠረራት ጥቂት ነጥቦችን እናስታውስ፡፡ በ1980ዎቹ የጋንቤላና የመተከል የሠፈራ ዘመቻ ጥቂቶቹን አገናኘ፡፡ ከዚህ ቀጥሎ ደግሞ ሌሎችን በጥበቡ እየጠራ በክረምት ጊዜ ዩኒቨርስቲዎቻቸው ሲዘጉ በዝዋይ ገዳም እንዲገናኙ አደረገ፡፡ በመጨረሻም አብዛኛዎቹን ወጣቶች በ1983 ዓ.ም በብላቴ ካምፕ አገናኛቸው፡፡ እነዚህ ሁሉ መልካም አጋጣሚዎች ሆኑላቸውና የተለያዩ ማኅበራትን እያቋቋሙ ወጣቱ ትውልድ ከቤተ ክርስቲያን ጋር የማስተዋወቁን ሥራ አፋፍመው ቀጠሉበት፡፡ በዚህ የተሰበሰበው ኃይል አሁንም ተደራጅቶ ጠንካራ አገልግሎት የሚሰጥበትን አንድ ማኅበር እየፈለገ መጣ፡፡ በዚህ ምክንያት የተለያዩ ማኅበራትን በመመሥረት የየአቅማቸውን አገልግሎቶች ሲፈጽሙ የቆዩት ወጣቶች በአንድ ማኅበር ቢሰባሰቡ የሚሰጡት አገልግሎት ከፍተኛ ሚና እንደሚኖረው ተገነዘበ፡፡ በዚህ ጊዜ ነበር በመላእክት ስም፣ በእመቤታችን ስም፣ በቅዱሳን ስም የተሰበሰቡት ሁሉ ለመታሰቢያነት የሚጠሯቸውን ቅዱሳን የማያስቀርና ተልእኮአቸውን የማይለውጥ አንድ ማኅበር ለመመሥረት የወሰኑት፤ ወስነውም አልቀሩ መሠረቱት፤ ማኅበረ ቅዱሳንን፡፡

ውኃ ልትቀዳ ወርዳ ጌታችንን አግኝታ እንደተመለሰችው ሰማርያይቱ ሴት፤ ከሄዱበት ምድራዊ ዓላማ ተጨማሪ ሰማያዊ ዓላማን አንግበው መንፈሳዊ አገልግሎት የሚሰጥ ማኅበር ለመመሥረት ምክንያት የሆኑት የከፍተኛ ትምህርት ተቋማት ተማሪዎች እንደሙያ ዝግጅታቸውና ስጦታቸው ቤተ ክርስቲያናቸውን ለማገልገል አደራ ተቀበሉ፡፡ /ዮሐ. 4፤7/ ስለዚህም ማኅበሩ ሐዋርያዊ ተልእኮን ለማስፋፋትና ግቦቿን አሳክታ ከችግሮቿ ወጥታ ለሕዝቦቿ ማኅበራዊ ሕይወት ለውጥ የመሪነት ሚና የምትጫወት ቤተ ክርስቲያንን ለማየት የሚያስችል የአገልግሎት ስልት ነድፎ ብቅ አለ፡፡

ስልክ ቁጥር 
ሞባይል ፡ +251-966-63-63-63
የቢሮ ፡   +251-118-12-22-05 ወይም +251-118-12-22-04

ኢ-ሜይልfunding@eotcmk.org
ቴሌግራም፡ @resourcem

መልእክትዎን በዚህ ይላኩ